CNA
കോഴിക്കോട്:
27-മത് കേരള അന്താരാഷ്ട്ര ചലച്ചിത്ര മേളയുടെ വിളംബര ജാഥയുടെ ഭാഗമായി ജില്ലയില് അക്കാദമിയുടെ വാഹനം നേരിട്ടെത്തി നടത്തുന്ന സൗജന്യ സിനിമ പ്രദര്ശനം ഇന്ന് മുതല്.
വെള്ളി, ശനി ദിവസങ്ങളായി നടക്കുന്ന പ്രദര്ശനത്തില് മടപ്പള്ളി ഗേള്സ് ഹയര്സെക്കന്ഡറി സ്കൂളിലും വൈകീട്ട് അഞ്ച് മണിക്ക് ചക്കോരത്ത്കുളം തപോവനം പാര്ക്കിലുമാണ് പ്രദര്ശനം.
ശനിയാഴ്ച രാവിലെ 9.30 ന് പൊക്കുന്ന് ഗുരുവായൂരപ്പന് കോളേജിലും വൈകീട്ട് ആറിന് മാനാഞ്ചിറ സ്പോര്ട്സ് കൗണ്സില് ഹാളിലും ജില്ലാ ലൈബ്രറിയിലുമാണ് പ്രദര്ശനം. മുഴുവന് സംവിധാനങ്ങളോടെ ചലച്ചിത്ര അക്കാദമിയുടെ വാഹനം നേരിട്ടെത്തിയാണ് സൗജന്യ സിനിമ പ്രദര്ശനം നടത്തുന്നത്.
സംസ്ഥാനത്തെ പതിനാല് ജില്ലയിലെ വിവിധ ഇടങ്ങളിലായി വിളംബരജാഥയുടെ ഭാഗമായി പ്രദര്ശനം നടത്തുന്നുണ്ട്.
കോഴിക്കോട്, വയനാട്, മലപ്പുറം ജില്ലകളില് വിവിധ സാമൂഹിക സാംസ്കാരിക മണ്ഡലങ്ങളിലും വിദ്യാഭാസ സ്ഥാപനങ്ങളിലുമായി കോഴിക്കോട് കെ എസ് സി എ റീജിയണല് കേന്ദ്രത്തിന്റെ നേതൃത്വത്തിലാണ് ചലച്ചിത്ര പ്രദര്ശങ്ങള് നടക്കുക.