CNA
കൊച്ചി:
മിന്നല് മുരളിയിലൂടെ മലയാളത്തില് ശ്രദ്ധേയനായ ഗുരു സോമസുന്ദരം, ആശ ശരത് എന്നിവരെ കേന്ദ്ര കഥാപാത്രങ്ങളാക്കി വിനു വിജയ് സംവിധാനം ചെയ്യുന്ന 'ഇന്ദിര' എന്ന ചിത്രത്തിന് തുടക്കമായി.
ഇന്ന് രാവിലെ കൊച്ചി ചുള്ളിക്കല് പുളിക്കന് ഹൗസില് 'ഇന്ദിര'യുടെ പൂജയും തുടര്ന്ന് ചിത്രീകരണവും ആരംഭിച്ചു.
'ഇന്ദിര' എന്ന ഈ ചിത്രത്തില് ആശ ശരത്താണ് 'ഇന്ദിര' എന്ന പ്രധാന കഥാപാത്രത്തെ അവതരിപ്പിക്കുന്നത്.
'മൊഹബ്ബത്തിന് കുഞ്ഞബ്ദുള്ള' എന്ന ചിത്രത്തിന്റെ സംവിധായകന് ഷാനു സമദാണ് 'ഇന്ദിര'യുടെ രചന നിര്വ്വഹിക്കുന്നത്.
വ്യത്യസ്തമായ പ്രമേയവുമായെത്തുന്ന ചിത്രത്തില് മുകേഷ്, വിജയ് നെല്ലിസ്, അഞ്ജു കുര്യന്, സലിം കുമാര്, പ്രേം കുമാര്, ഡോക്ടര് റോണി, രചന നാരായണന് കുട്ടി, നന്ദു പൊതുവാള്, മാളവിക മേനോന്, ആനന്ദ് റോഷന്, അഡാട്ട് ഗോപാലന്, ആലിസ്, അല്ത്താഫ് സലിം എന്നിവരാണ് പ്രധാന താരങ്ങളായി എത്തുന്നുണ്ട്.
ഛായാഗ്രഹണം- ഷിജു എം. ഭാസ്കര്, എഡിറ്റിംഗ്- അയൂബ് ഖാന്, സംഗീതം- കേദാര്, പ്രോജെക്ട് ഡിസൈനര്- ബാദുഷ, ചീഫ് അസോസിയേറ്റ്- മനീഷ് ബാലകൃഷ്ണന്, ക്രീയേറ്റീവ് ഡയറക്ടര്- വിജയ് നെല്ലിസ്, പ്രൊഡക്ഷന് കണ്ട്രോളര്- നന്ദു പൊതുവാള്, പ്രൊഡക്ഷന് മാനേജര്- നിബിന് നവാസ്, നിജിന് നവാസ്, ഫിനാന്സ് മാനേജര് ശങ്കര്. മേക്കപ്പ്- റഹീം കൊടുങ്ങല്ലൂര്, വസ്ത്രാലങ്കാരം- ബബിഷ കെ. ആര്., കലാസംവിധാനം- സഹസ് ബാല, സ്റ്റില്- സിബി ചീരന്, ഡിസൈന്- ടെന് പോയന്റ്.
Online PR - CinemaNewsAgency.Com
