CNA
പാലക്കാട് :
ജീത്തു ജോസഫിന്റെ സിനിമയായ '12th മാന്‍' വിജയമായപ്പോള്‍ അദ്ദേഹത്തിന്റെ പ്രിയ ശിഷ്യനും, കോ ഡയറക്ടറുമായ സുധീഷ് രാമചന്ദ്രന്‍ ആദ്യമായി ഡയറക്ട് ചെയ്യുന്ന 'ഇനി ഉത്തരം' എന്ന സിനിമയുടെ സെറ്റില്‍ കേക്ക് മുറിച്ച് ആഘോഷിച്ചു.
ജീത്തു ജോസഫിന്റെ 'ദൃശ്യം' സിനിമയിലെ സഹദേവനിലൂടെ മലയാളികളെ ഒന്നടങ്കം അമ്പരപ്പിച്ച കലാഭവന്‍ ഷാജോനും, '12th man' സിനിമയിലെ താരമായ ചന്തു നാഥും, കൂടാതെ ഹരീഷ് ഉത്തമന്‍, അപര്‍ണ ബാലമുരളി, ജാഫര്‍ ഇടുക്കി എന്നിവര്‍ക്കൊപ്പം 'ഇനി ഉത്തരം' സിനിമയുടെ മുഴുവന്‍ ടെക്‌നീഷ്യന്‍മാരും ആഘോഷത്തില്‍ പങ്കെടുത്തു.
ജീത്തു ജോസഫിന്റെ മുന്‍ സിനിമയായ 'ലൈഫ് ഓഫ് ജോസൂട്ടി'യുടെ ക്യാമറാമാനായ രവി ചന്ദ്രന്‍ തന്നെയാണ് ശിഷ്യന്റെ ആദ്യ ചിത്രത്തിനും ഛായാഗ്രഹണം നിര്‍വഹിക്കുന്നത്.
അധികം വിശദാംശങ്ങള്‍ പുറത്ത് വിട്ടിട്ടില്ലാത്ത 'ഇനി ഉത്തരം' പാലക്കാട് ധോണിയില്‍ ചിത്രീകരണം പുരോഗമിക്കുന്നു.
അപര്‍ണ ബാലമുരളി, ഹരീഷ് ഉത്തമന്‍, കലാഭവന്‍ ഷാജോണ്, സിദ്ദിഖ്, ജാഫര്‍ ഇടുക്കി, ചന്തുനാഥ്, സിദ്ധാര്‍ഥ് മേനോന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
എ ആന്റ് വി എന്റര്‍ടെയിന്‍മെന്റിന്റെ ബാനറില്‍ വരുണ്‍, അരുണ്‍ എന്നിവര്‍ ചേര്‍ന്ന് നിര്‍മ്മിക്കുന്ന 'ഇനി ഉത്തരം' എന്ന ഈ ചിത്രത്തിന്റെ രചന, സഹോദരങ്ങളായ രഞ്ജിത്, സനീഷ് (ഉണ്ണി) എന്നിവര്‍ നിര്‍വ്വഹിക്കുന്നു. രവിചന്ദ്രന്‍ ഛായാഗ്രഹണം നിര്‍വ്വഹിക്കുന്നു.
H2O Spell പ്രോജക്ട് ഡിസൈന്‍ ചെയ്യുന്ന ഈ ചിത്രത്തിന്റെ എഡിറ്റിങ് ജിതിന്‍ ഡി കെ നിര്‍വ്വഹിക്കുന്നു.
വിനായക് ശശികുമാര്‍ എഴുതി വരികള്‍ക്ക് ഹിഷാം അബ്ദുള്‍ വഹാബ് സംഗീതം പകരുന്നു.
പ്രൊഡക്ഷന്‍ കണ്‍ട്രോളര്‍- റിന്നി ദിവാകര്‍, വിനോഷ് കൈമള്‍, കല- അരുണ്‍ മോഹനന്‍, മേക്കപ്പ്- ജിതേഷ് പൊയ്യ, വസ്ത്രാലങ്കാരം- ധന്യ ബാലകൃഷ്ണന്‍,
ചീഫ് അസോസിയേറ്റ്- ദീപക് നാരായണന്‍, സ്റ്റില്‍സ്- ജെഫിന്‍ ബിജോയ്, ഡിസൈന്‍- ജോസ് ഡൊമനിക്, പി ആര്‍ ഒ- എ.എസ്. ദിനേശ്.
Online PR - CinemaNewsAgency.Com
