എംഎം കമ്മത്ത്
കൊച്ചി:
ബെര്‍ലിന്‍ ഇന്‍ഡീ ഫിലിം ഫെസ്റ്റിവലില്‍ മികച്ച നടനുള്ള പുരസ്‌കാരം മാനവ് സ്വന്തമാക്കി. 'ഇരുമ്പ്' എന്ന സാമൂഹിക പ്രസക്തിയുള്ള ചിത്രത്തിലെ പ്രകടനത്തിനാണ് മാനവ് അവാര്‍ഡ് കരസ്ഥമാക്കിയത്.
ഇതാദ്യമായല്ല മാനവിനെത്തേടി പുരസ്‌കാരങ്ങളെത്തുന്നത്. 2020ല്‍ മാനവിന് മികച്ച നടനുള്ള 4 പുരസ്‌കാരങ്ങള്‍ ലഭിച്ചിരുന്നു.
ഇരുമ്പിലെ ആന്റണി എന്ന കഥാപാത്രത്തെയാണ് മാനവ് അവതരിപ്പിച്ചിരിക്കുന്നത്. തന്റെ 2 പെണ്മക്കളെ ക്രൂരമായി പീഡിപ്പിച്ചു കൊലപ്പെടുത്തിയ കുറ്റവാളികളെ നീതിപീഡം ശിക്ഷിക്കാന്‍ മടിച്ചു നിന്നപ്പോള്‍ ഒരച്ഛന്റെ നീറുന്ന മനസുമായി വിധി സ്വയം നടപ്പിലാക്കുന്ന ആന്റണിയുടെ വൈകാരിക അവസ്ഥയെ കേന്ദ്രീകരിച്ചാണ് സിനിമ.
ഗേറ്റ്‌വെ ഫിലിംസിന്റെ ബാനറില്‍ എസ്.കെ. നായര്‍ ആണ് 'ഇരുമ്പ്' നിര്‍മ്മിച്ചിരിക്കുന്നത്.
നിതിന്‍ നാരായണന്‍ രചനയും പ്രതീഷ് ഉണ്ണികൃഷ്ണന്‍ സംവിധാനവും നിര്‍വ്വഹിച്ച 'ഇരുമ്പ്' എന്ന ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് ആനന്ദ് കൃഷ്ണയാണ്.
പുതുമുഖം ശ്രീഷ വേണുഗോപാല്‍ ആണ് ഇരുമ്പിലെ നായിക. രവി വാഴയില്‍, പാര്‍വതി, ശ്രേയ, അജി നെട്ടയം, രൂപേഷ്, മഹി, ബെന്നി, മധു, നാരായണന്‍, സ്മിത, ഹൃതുവര്‍ണ, അരുണ്‍, ബിജു കാഞ്ഞങ്ങാട് എന്നിവരും ചാത്രത്തില്‍ അഭിനയിക്കുന്നുണ്ട്.
'ഇരുമ്പ്' അമേരിക്കയിലെ LA LIVE FILM FESTIVAL ല്‍ മികച്ച ഫോറിന്‍ ഫീചര്‍ ഫിലിം എന്ന വിഭാഗത്തില്‍ തെരഞ്ഞെടുക്കപ്പെട്ടു.
അമേരിക്കയില്‍ വച്ചു നടന്ന മറ്റൊരു വലിയ ഫെസ്റ്റിവലായ SCENE FILM FESTIVAL ല്‍ മാനവ് മികച്ച നടനായി തിരഞ്ഞെടുക്കപ്പെട്ടു.
VIRGIN SPRING FESTIVAL, KALABURAGI INTERNATIONAL FILM FESTIVAL എന്നിവിടങ്ങളില്‍ നിന്നും മാനവിന് മികച്ച നടനുള്ള പുരസ്‌കാരം ലഭിച്ചു.
NEW YORK FILM FESTIVAL ല്‍ 'ഇരുമ്പ്' മികച്ച സിനിമയായി തിരഞ്ഞെടുക്കപ്പെട്ടു.
PATAYA INTERNATIONAL FILM FESTIVAL Best Narrative feature film ആയി ഇരുമ്പിനെ തിരഞ്ഞെടുത്തു.
Florence, Virgin Spring, American Golden Picture, Kosice International, Pickurflick Indie, Hollywood Screenings, Cannes International, LIFT OFF GLOBAL, Coimbatore International, Mabig Film, Diamond Star തുടങ്ങിയ ദേശീയ അന്തര്‍ദേശീയ ഫിലിം ഫെസ്റ്റിവലുകളില്‍ അവസാന മൂന്നില്‍ ഇടം പിടിച്ചത് ഇരുമ്പിന്റ അണിയറയില്‍ പ്രവര്‍ത്തിച്ചവര്‍ക്ക് കൂടിയുള്ള അംഗീകാരമാണ്.
അന്തര്‍ദേശിയ ചലച്ചിത്ര മേളകളില്‍ നിന്നും പത്തില്‍ അധികം അംഗീകാരം ഒരു മലയാളസിനിമക്ക് ലഭിക്കുന്നത് അഭിമാനകരം തന്നെയാണ്.
