CNA
കൊച്ചി:
ഊട്ടിയിലെ മഞ്ഞുപെയ്യുന്ന ഹരിതാഭയാര്ന്ന ലൊക്കേഷനില് ദൃശ്യചാരുത പകര്ന്ന് ഗാനം ഇതിനോടകംതന്നെ സമൂഹമാധ്യമത്തില് ജനശ്രദ്ധ ആകര്ഷിക്കുന്നു.
കമിതാക്കളുടെ പ്രണയഗാനം ഒരു കുളിര് തെന്നലായി 'ഇവള് മൈഥിലി' എന്ന ചിത്രത്തിന് മാറ്റ് കൂട്ടുന്നു.
തമിഴിലും മലയാളത്തിലുമായി സംവിധായകന് ബിജുദാസ് ഒരുക്കുന്ന ഈ ചിത്രത്തില് ബദ്രിലാല് നായകനായും അഞ്ജലി ചിത്തു നായികയായും എത്തുന്നു. കര്പ്പഗ ക്രിയേഷന്സിന്റെ ബാനറില് അനീഷ് ഗായത്രി ആണ് ഗാനരചന നിര്വ്വഹിച്ചിരിക്കുന്നത്.
ഇതിനോടകം സിനിമകളിലും, ഷോട്ട് ഫിലിമുകളിലും, ആല്ബം ഗാനങ്ങളിലും അഭിനയിച്ചിട്ടുള്ള ബദ്രിലാല് എന്ന നായക നടന് ഈ ചിത്രത്തിലൂടെ ഒരു റൊമാന്റിക് ഹീറോ പരിവേഷത്തില് എത്തുന്നു.
അഞ്ജലി ചിത്തു എന്ന നായിക 'ഇവള് മൈഥിലി' എന്ന ചിത്രത്തില് ബോള്ഡായ ഒരു കഥാപാത്രത്തെയാണ് അവതരിപ്പിക്കുന്നത്.
ഇവരെ കൂടാതെ മേനക, പൂര്ണി, വിഷ്ണുകാന്ത്, നിരഞ്ജന് എബ്രഹാം, അക്കു, ജയ്സണ് മാത്യു, അഡ്വക്കേറ്റ് മുഹമ്മദ് സഫീര്, വിഷ്ണു ജി, പ്രാജ്വല് എച്ച് ജി, ആമി സുരേന്ദ്രന്, അര്ച്ചന, ലക്ഷ്മി മായ എന്നിവരും അഭിനയിക്കുന്നു.
ബിജു ദാസ് സംവിധാനം ചെയ്യുന്ന ചിത്രത്തിന് ഛായാഗ്രഹണം കൈകാര്യം ചെയ്യുന്നത് വിനോദ് ജി മധുവാണ്. എഡിറ്റിംഗ് നിര്വ്വഹിച്ചിരിക്കുന്നത് ബിഞ്ചു ബാബു ആണ്. ഗാനരചനയും സംഗീതസംവിധാനവും നിര്വ്വഹിച്ചിരിക്കുന്നത് ആര് എന് പി പോള് ആണ്. കൊറിയോഗ്രാഫി- അരവിന്ദ് അജയന്, പ്രൊജക്ട് ഡിസൈനര്- മെഹ് രാജ്, ഡിജിക്സ് മൂവീസ്, പ്രൊഡക്ഷന് കണ്ട്രോളര്- പാപ്പച്ചന് ധനുവച്ചപുരം, ചീഫ് അസോസിയേറ്റ് ഡയറക്ടര്- ബിജു പുത്തൂര്, ഗായകര്- കലാമണ്ഡലം നിസരി നന്ദന്, കോസ്റ്റ്യൂംസ് & മേക്കപ്പ്- വിപിന്, മഹാലക്ഷ്മി, ആര്ട്ട്- റിയാസ് റിച്ചു. പി.ആര്.ഒ.- എം കെ ഷെജിന് ആലപ്പുഴ.
Online PR - CinemaNewsAgency.Com