CNA
കൊച്ചി:
മാത്യു തോമസ്, നസ്ലന്‍, നിഖില വിമല്‍ എന്നിവരെ പ്രധാന കഥാപാത്രങ്ങളാക്കി നവാഗതനായ അരുണ്‍ ഡി ജോസ് കഥയെഴുതി സംവിധാനം ചെയ്യുന്ന 'ജോ ആന്റ് ജോ' എന്ന ചിത്രത്തിന്റെ ക്യാരക്ടര്‍ പോസ്റ്ററുകള്‍ റിലീസായി.
'പരിഷ്‌ക്കാരി' എന്ന കഥാപാത്രത്തെ അവതരിപ്പിക്കുന്ന സാഗര്‍ സൂര്യയുടെ പോസ്റ്ററും... ലീന ആന്റണി അവതരിപ്പിക്കുന്ന 'പാലത്തറ ബേബി'യുടെ അമ്മ 'അന്നമ്മ'യുടെ പോസ്റ്ററും... ബിനു അടിമാലി അവതരിപ്പിക്കുന്ന 'മെമ്പര്‍ ഷിബു' എന്ന കഥാപാത്രത്തിന്റെ ക്യാരക്ടര്‍ പോസ്റ്ററുമാണ് റിലീസായത്.
'പരിഷ്‌ക്കാരി'
ഇയാളുടെ ശരിക്കുമുള്ള പേര് എന്താണെന്നറിയില്ല. ചോദിക്കാന്‍ ഒരു അവസരം കിട്ടിയിട്ടില്ല. തിരക്കുള്ള ഒരാളാണെന്ന് അയാളുടെ പ്രവര്‍ത്തികള്‍ കണ്ടാല്‍ അറിയാം. അടുത്ത തവണ കാണുമ്പോള്‍ പേര് ചോദിക്കണം!
'അന്നമ്മ'
ആയ കാലത്തു ഓടിനടന്നു പണിയെടുത്തതുകൊണ്ട് ഇപ്പൊ ഫുള്‍ റെസ്റ്റാണ്. ഈ പ്രായത്തിലും കാഞ്ഞ ബുദ്ധിയാണ് അമ്മച്ചിക്ക്. ആക്ഷന്‍ സിനിമകളോട് ഒരു പ്രത്യേക വീക്‌നസ് ഉള്ള അന്നമ്മ ബാബു ആന്റണിയുടെ die hard ഫാനുമാണ്'.
'മെമ്പര്‍ ഷിബു'
'കോവിഡ് കാലത്തും ഓടിനടന്നു നാട്ടുകാരെ സേവിക്കുന്ന ആളാണ് മെമ്പര്‍ ഷിബു. ആ വാര്‍ഡിലെ എന്തിനും ഏതിനും 'മെമ്പര്‍ ഷിബു' വേണം എന്ന് സ്വയം വിശ്വസിക്കുന്ന ആളും കൂടിയാണ് ഇദ്ദേഹം'.
മെയ് പതിമൂന്നിന് 'ജോ ആന്റ് ജോ' ഐക്കോണ്‍ സിനിമാസ് തിയ്യേറ്ററിലെത്തിക്കും.
ഇമാജിന്‍ സിനിമാസ്, സിഗ്‌നേച്ചര്‍ സ്റ്റുഡിയോസ് എന്നി ബാനറില്‍ നിര്‍മ്മിക്കുന്ന ഈ ചിത്രത്തില്‍ ജോണി ആന്റണി, സ്മിനു സിജോയ്, ലീന ആന്റണി എന്നിവരും ശ്രദ്ധേയമായ കഥാപാത്രത്തെ അവതരിപ്പിക്കുന്നു.
അരുണ്‍ ഡി ജോസ്, രവീഷ് നാഥ് എന്നിവര്‍ ചേര്‍ന്ന് തിരക്കഥ സംഭാഷണമെഴുതുന്ന ഈ ചിത്രത്തിന്റെ ഛായാഗ്രഹണം അള്‍സര്‍ ഷാ നിര്‍വ്വഹിക്കുന്നു.
ടിറ്റോ തങ്കച്ചന്‍ എഴുതിയ വരികള്‍ക്ക് ഗോവിന്ദ് വസന്ത സംഗീതം പകരുന്നു.
പ്രൊഡക്ഷന്‍ കണ്‍ട്രോളര്‍- റിന്നി ദിവാകരന്‍, കല- നിമേഷ്‌സ താനൂര്‍, മേക്കപ്പ്- സിനൂപ് രാജ്, വസ്ത്രാലങ്കാരം- സുജിത്ത് സി എസ്, സ്റ്റില്‍സ്- ഷിജിന്‍ പി രാജ്, പരസ്യക്കല- മനു ഡാവന്‍സി, എഡിറ്റര്‍- ചമന്‍ ചാക്കോ, സൗണ്ട് ഡിസൈന്‍- സബീര്‍ അലി, ചീഫ് അസോസിയേറ്റ് ഡയറക്ടര്‍- രവീഷ് നാഥ്, അസോസിയേറ്റ് ഡയറക്ടര്‍- റെജിവാന്‍ അബ്ദുള്‍ ബഷീര്‍, പി ആര്‍ ഒ- എ എസ് ദിനേശ്.
Online PR - CinemaNewsAgency.Com
