Editor - MM Kamath
കൊച്ചി:
ഫഹദ് ഫാസിലിനെ നായകനാക്കി ദിലീഷ് പോത്തന് സംവിധാനം ചെയ്യുന്ന 'ജോജി' സ്വീഡിഷ് അന്താരാഷ്ട്ര ചലച്ചിത്ര മേളയില് മികച്ച ചിത്രമായി 'ജോജി' തെരഞ്ഞെടുക്കപ്പെട്ടു.
2021ലെ സ്വീഡിഷ് അന്താരാഷ്ട്ര ചലച്ചിത്ര മേള (SIFF 2021)യിലേക്ക് ജോജി തെരഞ്ഞെടുക്കപ്പെട്ടിരുന്നു.
ഇതിന് പുറമെ, ചലച്ചിത്രമേളയിലെ മികച്ച അന്തര്ദേശീയ ചലച്ചിത്രത്തിനുള്ള പുരസ്കാരവും ജോജി സ്വന്തമാക്കിയിരിക്കുകയാണ്.
'സ്വീഡനില് നിന്നുള്ള ശുഭവാര്ത്ത' എന്ന് കുറിച്ചുകൊണ്ട് ഫഹദ് ഫാസില് തന്നെയാണ് തന്റെ ഫേസ്ബുക്കിലൂടെ ഇക്കാര്യം അറിയിച്ചത്.
'മഹേഷിന്റെ പ്രതികാരം', 'തൊണ്ടിമുതലും ദൃക്സാക്ഷിയും' എന്നീ ചിത്രങ്ങള്ക്കു ശേഷം ഫഹദിനെ നായകനാക്കി ദിലീഷ് പോത്തന് സംവിധാനം ചെയ്യുന്ന ചിത്രമാണിത്.
ആമസോണ് പ്രൈം വീഡിയോയിലൂടെ ചിത്രം ഏപ്രില് ഏഴിനാണ് റിലീസ് ചെയ്തത്. ക്രൈം ത്രില്ലര് ഗണത്തില്പ്പെടുന്ന ചിത്രത്തിന്റെ കഥയും അവതരണവും മേക്കിങ്ങും 'ജോജി'യെ അന്തര്ദേശീയ തലത്തില് ശ്രദ്ധനേടിക്കൊടുത്തിരിക്കുകയാണ്.
ഭാവന സ്റ്റുഡിയോസ്, വര്ക്കിംഗ് ക്ലാസ് ഹീറോ, ഫഹദ് ഫാസില് ആന്ഡ് ഹീറോസ് തുടങ്ങിയ ബാനറുകളിലാണ് ചിത്രം നിര്മ്മിച്ചിരിക്കുന്നത്.
'മഹേഷിന്റെ പ്രതികാരത്തിന് തിരക്കഥ ഒരുക്കിയ ശ്യാം പുഷ്കരനാണ് ജോജിയുടെയും തിരക്കഥയെഴുതിയത്.
ഷേക്സ്പിയറിന്റെ വിഖ്യാത നാടകം 'മാക്ബത്തി'ല് നിന്ന് പ്രചോദനം ഉള്ക്കൊണ്ടാണ് ചിത്രം ഒരുക്കുന്നത്.
കോട്ടയം, എരുമേലി എന്നിവിടങ്ങളിലായിരുന്നു 'ജോജി' ഷൂട്ടിംഗ്.
ഷമ്മി തിലകന്, ബാബുരാജ്, ഉണ്ണിമായ തുടങ്ങിയവര്ക്കൊപ്പം പുതുമുഖ താരങ്ങളും ചിത്രത്തില് അഭിനയിക്കുന്നുണ്ട്.
ചായാഗ്രഹണം- ഷൈജു ഖാലിദ്, എഡിറ്റിംഗ്- കിരണ് ദാസ്, പ്രൊഡക്ഷന് ഡിസൈനര്- ഗോകുല്ദാസ്, മേക്കപ്പ്- റോണക്സ് സേവ്യര്, കോസ്റ്റ്യൂം ഡിസൈനര്- മസ്ഹര് ഹംസ, പ്രൊഡക്ഷന് കണ്ട്രോളര്- ബെന്നി കട്ടപ്പന.
Online PR - CinemaNewsAgency.Com