സി എന് എ-
കൊച്ചി:
മലയാളത്തിന്റെ പ്രിയതാരം ടൊവിനോ തോമസ് ഒഫീഷ്യല് സോഷ്യല് മീഡിയ പേജുകളിലൂടെ അനൗണ്സ് ചെയ്ത 'ജോവാന്' എന്ന ചിത്രത്തിന്റെ ടൈറ്റില് പോസ്റ്റര് ശ്രദ്ധേയമാവുകയാണ്...
'ഗപ്പി', 'എസ്ര', 'അങ്കമാലി ഡയറീസ്' തുടങ്ങി നിരവധി സിനിമകളുടെ ശബ്ദലേഖകനായിരുന്ന മനു വര്ഗീസ് ആദ്യമായി സംവിധാനം ചെയ്യുന്ന ചിത്രമാണ് 'ജോവാന്'.
പെണ്കുട്ടികള് അധികമൊന്നും കടന്നു വരാത്ത മേഖലയാണ് സിനിമയിലെ ശബ്ദ വിഭാഗം.
സിനിമയില് സൗണ്ട് ഡിസൈനറാകാന് ആഗ്രഹിച്ച ഒരു പെണ്കുട്ടിയുടെ കഥയാണ് 'ജോവാന്' എന്ന സിനിമ പറയുന്നത്.
ലെബാമി ഫിലിം ഫാക്ടറിയുടെ ബാനറില് ആനന്ദ് നമ്പ്യാര്, അബ്ദുള് അസീസ് എന്നിവര് ചേര്ന്നാണ് ചിത്രം നിര്മ്മിക്കുന്നത്.
'കിണര്', 'കുപ്രസിദ്ധ പയ്യന്' തുടങ്ങിയ ഒരുപിടി മികച്ച സിനിമകള്ക്ക് ക്യാമറ ചലിപ്പിച്ച നൗഷാദ് ഷെരീഫാണ് ഛായഗ്രഹകന്.
'ദൃശ്യം', 'ഡോക്ടര് ലൗ', 'ഒരു മുറൈ വന്ത് പാര്ത്തായ', 'കവി ഉദ്ദേശിച്ചത്' തുടങ്ങിയ സിനിമകളിലൂടെഹിറ്റ് ചാര്ട്ടില് ഇടം പിടിച്ച നിരവധി ഗാനങ്ങള്ക്ക് ഈണമിട്ട വിനു തോമസാണ് സംഗീത സംവിധാനം.
'കിസ്മത്ത്', 'തൊട്ടപ്പന്' എന്നീ സിനിമകള്ക്ക് കൃത്യമായ കയ്യൊതുക്കത്തോടെ എഡിറ്റിംഗ് നിര്വഹിച്ച ജിതിന് മനോഹര് ആണ് എഡിറ്റര്.
സാമൂഹിക പ്രസക്തമായ വിഷയം കൈകാര്യം ചെയ്യുന്ന ചിത്രം ഉടന് ചിത്രീകരണം ആരംഭിക്കും.
Online PR - CNA.