മീഡിയ ഡെസ്ക്-
ന്യൂഡല്ഹി:
ദി വാള്ട്ട് ഡിസ്നി കമ്പനി ഇന്ത്യ ആന്ഡ് സ്റ്റാര് ഇന്ത്യ പ്രസിഡന്റ് കെ. മാധവന് ഇന്ത്യന് ബ്രോഡ്കാസ്റ്റിങ് ആന്ഡ് ഡിജിറ്റല് ഫൗണ്ടേഷന് (IBDF) പ്രസിഡന്റായി വീണ്ടും തെരഞ്ഞെടുക്കപ്പെട്ടു.
ഒക്ടോബര് 22ന് ചേര്ന്ന ഇരുപത്തിരണ്ടാമത് ജനറല് ബോഡി യോഗത്തില്വെച്ചാണ് മാധവനെ IBDFന്റെ പ്രസിഡന്റായി വീണ്ടും തെരഞ്ഞെടുത്തത്.
ഇന്ത്യയിലെ ടെലിവിഷന് ബ്രോഡ്കാസ്റ്റേഴ്സിന്റെയും ഡിജിറ്റല് സ്ട്രീമിംഗ് പ്ലാറ്റുഫോമുകളുടെയും ഉന്നതസമിതിയാണ് അപെക്സ് ബോഡിയാണ് IBDF.
2019 മുതല് സ്റ്റാര് ആന്ഡ് ഡിസ്നി ഇന്ത്യയുടെ കണ്ട്രി മാനേജരായി സേവനമനുഷ്ഠിച്ച കെ മാധവനെ കഴിഞ്ഞ ഏപ്രിലിലാണ് ദി വാള്ട്ട് ഡിസ്നി കമ്പനി ഇന്ത്യ ആന്ഡ് സ്റ്റാര് ഇന്ത്യ പ്രസിഡന്റായി തിരഞ്ഞെടുത്തത്.
മുന്പ് കമ്പനിയുടെ ടെലിവിഷന്, സ്റ്റുഡിയോ വിഭാഗത്തിന്റെ മേല്നോട്ടം വഹിച്ചിരുന്നു അദ്ദേഹം. പിന്നീട് 2009ല് ദക്ഷിണേന്ത്യന് തലവനായാണ് മാധവന് സ്റ്റാര് ഇന്ത്യയില് ചേരുന്നത്. നേരത്തെ ഏഷ്യാനെറ്റ് MDയും CEOയുമായിരുന്നു കെ. മാധവന്.