സി എന്‍ എ-
കൊച്ചി:
തന്റെ ആദ്യ സംവിധാന ചിത്രത്തിന്റെ ചിത്രീകരണമൊക്കെ പൂര്‍ത്തിയാക്കി റിലീസിന് തയ്യാറാകുന്നതിനിടയില്‍ ഈ ലോകത്തോട് യാത്ര പറയേണ്ടി വന്ന ഷാജി പാണ്ടവത്ത് ഒരുക്കിയ 'കാക്കത്തുരുത്ത്' എന്ന ചിത്രത്തിന്റെ ട്രൈയലര്‍ റിലീസായി.
'പ്രായിക്കര പാപ്പാന്‍', 'ഗംഗോത്രി', 'കവചം' എന്നി ചിത്രങ്ങളുടെ തിരക്കഥാകൃത്തായ ഷാജി പാണ്ടവത്ത് ആദ്യമായി തിരക്കഥയെഴുതി സംവിധാനം ചെയ്യുന്ന സിനിമയാണ് 'കാക്കത്തുരുത്ത്'.
ഫ്രെയിം ടു ഫ്രെയിം ബാനറില്‍ കെ ബി മധുസൂദനന്‍ മാവേലിക്കര നിര്‍മിക്കുന്ന ഈ ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നത് സംവിധായകനായ വേണു ബി നായര്‍ ആണ്. ബാക്കി എല്ലാ കഥാപാത്രങ്ങളും കാക്കതുരുത്തില്‍ ജീവിക്കുന്നവര്‍ തന്നെയാണ്.
കാക്കത്തുരുത്ത് എന്ന തുരുത്തും അവിടത്തെ മനുഷ്യരുടെ ജീവിതവും ദൃശ്യവല്‍ക്കരിക്കുന്ന ഈ ചിത്രത്തില്‍ വള്ളക്കാരന്‍ വേലച്ചനായി പ്രശസ്ത സംവിധായകന്‍ വേണു ബി നായര്‍ കേന്ദ്ര കഥാപാത്രത്തെ അവതരിപ്പിക്കുമ്പോള്‍ ദേവൂട്ടിയായി തുരുത്തുവാസിയായ ശ്രീജ എന്ന പെണ്‍കുട്ടി അഭിനയിക്കുന്നു.
ജയന്തിയായി റോഷിനി മധുവും പ്രത്യക്ഷപ്പെടുന്ന. അഡ്വക്കേറ്റ് ഗണേഷ് കുമാര്‍, ഗണേശ്, മധുസൂദനന്‍, രേഷ്മ, കൃഷ്ണന്‍, കുഞ്ഞുമോന്‍ തുടങ്ങി ഇവിടെത്തെ നിരവധി തുരുത്തുവാസികള്‍ ചിത്രത്തില്‍ അഭിനയിച്ചിട്ടുണ്ട്.
ഛായാഗ്രഹണം- രാജേഷ് പീറ്റര്‍, സംഗീതം- അജി സരസ്, കല- ശ്രീകുമാര്‍ പൂച്ചാക്കല്‍, മേക്കപ്പ്- പട്ടണം ഷാ, വസ്ത്രാലങ്കാരം- ഇന്ദ്രന്‍ ജയന്‍, സ്റ്റില്‍സ്- കണ്ണന്‍ സൂരജ്, എഡിറ്റര്‍- സോബിന്‍ കെ എസ്, സൗണ്ട് മിക്‌സ്- അനൂപ് തിലക്, എഫക്റ്റ്‌സ്- സുരേഷ് തിരുവല്ലം, അസോസിയേറ്റ് ഡയറക്ടര്‍- അനില്‍ മേടയില്‍, ലോക്കേഷന്‍ മാനേജര്‍-കുഞ്ഞുമോന്‍ എരമല്ലൂര്‍, വാര്‍ത്ത പ്രചരണം- എ എസ് ദിനേശ്.
Online PR - CNA.
