സി എന്‍ എ-
കൊച്ചി:
പ്രശസ്ത സംവിധായകന്‍ കെ.ജി. ജോര്‍ജിന്റെ ജീവിതവും സിനിമയും ആസ്പദമാക്കി ഷിബു ജി. സുശീലന്‍ നിര്‍മ്മിച്ച് ലിജിന്‍ ജോസ് സംവിധാനം ചെയ്ത ഡോക്യൂമെന്ററിയുടെ പ്രദര്‍ശന അവകാശം NEESTREAM OTT PLATFORM ന് ലഭിച്ചു. ചിത്രത്തിന്റെ പ്രദര്‍ശനാവകാശത്തിന്റെ ഒരു പങ്ക് കെ. ജി. ജോര്‍ജിന് കൈമാറി.
നിര്‍മ്മാതാവ് ഷിബു ജി. സുശീലന്‍ പോസ്റ്റ് ചെയ്ത കുറിപ്പ് :
'കെ.ജി. ജോര്‍ജ് സാറിന്റെ ജീവിതവും സിനിമയും ആസ്പദമാക്കി ഞാന്‍ നിര്‍മ്മിച്ച് ലിജിന്‍ ജോസ് സംവിധാനം ചെയ്ത ഡോക്യൂമെന്ററിയുടെ പ്രദര്‍ശന അവകാശം NEESTREAM OTT PLATFORM ന് കൊടുക്കുകയും അങ്ങനെ ലഭിച്ച തുകയില്‍ നിന്ന്
Rs100000/(ഒരു ലക്ഷം രൂപ )
കെജി ജോര്‍ജ് സാറിന് ഞാന്‍ നല്‍കിയപ്പോള്‍ ആ വലിയ സംവിധായകന്റെ സന്തോഷം പറഞ്ഞു അറിയിക്കാന്‍ കഴിയാത്തതാണ്..
ഇങ്ങനെ ഒരു സഹായം ജോര്‍ജ് സാറിന് വേണ്ടി ചെയ്യാന്‍ പറ്റിയതില്‍ എനിക്ക് വളരെ സന്തോഷം ഉണ്ട്.
ഈ അവസരത്തില്‍ സംവിധായകന്‍ ലിജിന്‍ ജോസും, ജോര്‍ജ് സാറിന്റെ ഭാര്യയും മകളും ഉണ്ടായിരുന്നു..'
ഡോക്യൂമെന്ററിയുടെ റൈറ്റ് വാങ്ങിയ NEESTREAM നോട് പ്രത്യേകം നന്ദി അറിയിക്കുന്നു.' എന്നാണ് കുറിച്ചത്.
ചിത്രം ഉടന്‍ റിലീസ് ചെയ്യും.
