മീഡിയ ഡെസ്‌ക്-
കൊച്ചി:
കൊച്ചിയിലെ സ്വകാര്യ ആശുപത്രിയില്‍ ചികിത്സയില്‍ കഴിയുന്ന നടി കെപിഎസി ലളിതയുടെ ആരോഗ്യ നിലയില്‍ നേരിയ പുരോഗതി.
കുറച്ചു ദിവസമായി തൃശൂരിലെ ആശുപത്രിയില്‍ ചികിത്സയിലായിരുന്നു കെപിഎസി ലളിതയയെ വിദഗ്ധ ചികിത്സയ്ക്കായി ഇന്നലെ കൊച്ചിയിലെ ആശുപത്രിയിലേക്ക് മാറ്റുകയായിരുന്നു.
വിദഗ്ധ ഡോക്ടര്‍മാരുടെ പരിചരണത്തില്‍ ചികിത്സയില്‍ കഴിയുന്ന അവരുടെ നില മെച്ചപ്പെട്ടിട്ടുണ്ടെന്നും പ്രായവും ആരോഗ്യവും കണക്കിലെടുത്തുമാത്രമേ തുടര്‍ചികില്‍സയില്‍ തീരുമാനമെടുക്കൂ എന്നും 'അമ്മ' ജനറല്‍ സെക്രട്ടറിയും അഭിനേതാവുമായ ഇടവേള ബാബു 'വനിത' മാസികയോടു പറഞ്ഞതായാണ് റിപ്പോര്‍ട്ട്.
