സി എന് എ-
ചെന്നൈ:
ഒരിടവേളക്ക് ശേഷം വിജയ് സേതുപതി, നയന്താര, വിഗ്നേഷ് ശിവന് കൂട്ട്കെട്ടില് 'കാതുവാക്കുള്ളെ രണ്ടു കാതല്' ചിത്രീകരണം ഇന്ന് രാവിലെ ആരംഭിച്ചു. ചിത്രത്തില് നടി സാമന്ത അകിനേനിയും നായികയായി എത്തുന്നുണ്ട്.
കഴിഞ്ഞ ഫെബ്രുവരിയില് പ്രഖ്യാപിച്ച ചിത്രം കൊവിഡിനെ തുടര്ന്ന് നീണ്ടു പോകുകയായിരുന്നു. ചിത്രത്തിന്റെ പൂജയുടെ ചിത്രങ്ങള് വിഗ്നേഷ് ശിവന് സോഷ്യല് മീഡിയയില് പങ്കുവെച്ചിട്ടുണ്ട്.
ആദ്യ ദിനമായ ഇന്ന് വിജയ് സേതുപതിയുടെ ഭാഗങ്ങളാണ് ചിത്രീകരിക്കുന്നത്. മലയാളത്തില് 'നിഴലി'ന് ശേഷം നയന്താര ഈ ചിത്രമായിരിക്കും ജോയ്ന് ചെയ്യുക.
'നാനും റൗഡിതാന്' എന്ന ചിത്രം പോലെ തന്നെ ഒരു റൊമാന്റിക് കോമഡിയായിരിക്കും 'കാതുവാക്കുള്ളെ രണ്ടു കാതല്' എന്ന് വിഗ്നേഷ് ശിവന് പറഞ്ഞു. ചിത്രത്തിനായി സംഗീതമൊരുക്കുന്നത് അനിരുദ്ധാണ്.
'നാനും റൗഡിതാന്' എന്ന ചിത്രത്തിന്റെ ലൊക്കേഷനില് വെച്ചായിരുന്നു വിഗ്നേഷും നയന്താരയും പ്രണയത്തിലായത്.