ന്യൂസ് ഡെസ്‌ക്-
ചെന്നൈ:
സ്‌ട്രൈറ്റ് ലൈന്‍ സിനിമാസിന് വേണ്ടി സൗബിന്‍ ഷാഹിറിനെ നായകനാക്കി സിദ്ധാര്‍ഥ് ഭരതന്‍ സംവിധാനം ചെയ്ത 'ജിന്ന്' എന്ന സിനിമയുടെ റിലീസ് ചെന്നൈ ഹൈക്കോടതി സ്‌റ്റേ ചെയ്തു. കാര്‍ത്തിയുടെ 'കൈദി' എന്ന സിനിമയുടെ നിര്‍മാതാക്കളായ ഡ്രീംവാരിയര്‍ പിക്‌ചേര്‍സ്, സ്‌ട്രൈറ്റ് ലൈന്‍ സിനിമാസിനെതിരെ നല്‍കിയ ഹര്‍ജിയിലാണ് ചെന്നൈ ഹൈക്കോടതി ജസ്റ്റിസ് സി. വി. കാര്‍ത്തികേയന്‍ സ്‌റ്റേവിധിച്ചച്ചത്. വന്‍ വിജയമായിരുന്ന 'കൈദി'യുടെ ലാഭവിഹിതം കിട്ടാതെ വരികയും പലതവണ ആവശ്യപ്പെട്ടിട്ടും കരാര്‍ പ്രകാരമുള്ള തുക നല്‍കാത്തതിനെ തുടര്‍ന്നാണ് കോടതിയെ സമീപിച്ചതെന്നും ഡ്രീം വാരിയര്‍ പിക്‌ചേഴ്‌സ് വക്താക്കള്‍ അറിയിച്ചു. തമിഴ് ചിത്രമായ 'കൈദി'യുടെ കേരളത്തിലെ വിതരണക്കാര്‍ സ്‌ട്രൈറ്റ് ലൈന്‍ സിനിമാസ് ആയിരുന്നു.
