അഞ്ജു അഷറഫ്-
കൊച്ചി:
കലാഭവന് മണി ജീവിച്ചിരിക്കുമ്പോള്തന്നെ അദ്ദേഹത്തിന്റെ സമ്മതത്തോടെ തുടങ്ങുകയും 2014 ല് ഉദ്ഘാടനം ചെയ്ത് പ്രവര്ത്തനമാരംഭിക്കുകയും ചെയ്ത കലാഭവന് മണി സേവന സമിതി ചാരിറ്റബിള് സൊസൈറ്റി സംഘടിപ്പിച്ച കലാഭവന്മണി പുരസ്കാരം വിതരണം ചെയ്തു.
ചലച്ചിത്ര മേഖല ഉള്പ്പെടെ വിവിധ രംഗങ്ങളില് മികവ് തെളിയിച്ചവര്ക്കുള്ള പുരസ്കാരം കലാഭവന് മണിയുടെ അമ്പതാം ജന്മദിനമായ 2021 ജനുവരി ഒന്നിന് എറണാകുളത്ത് കളത്തില് റിസോര്ട്ടില് വച്ച് കോവിഡ് പ്രോട്ടോകോള് നിയമങ്ങള് പാലിച്ചുകൊണ്ട് നടന്ന ലളിതമായ ചടങ്ങില് മലയാള സിനിമയിലെ അതികായനായ സംവിധായകന് ജോഷി വിളക്ക് തെളിച്ച് ഉദ്ഘാടനം ചെയ്തു.
ചലച്ചിത്രരംഗത്തെ കാരണവരായ നടന് മധു, നിര്മ്മാതാവ് ഗോകുലം ഗോപാലന്, സുധാകരന് കളിക്കാര്, അബ്ദുല്അസീസ്, മിമിക്രി കലാകാരന് കൊല്ലം സിറാജ് എന്നിവരെ അവാര്ഡ് ദാനം ചടങ്ങില് ആദരിച്ചു. മികച്ച സംവിധായകന് ജോഷി, മികച്ച നടന് സുരാജ് വെഞ്ഞാറമൂട്, ബഹുമുഖപ്രതിഭ പൃഥ്വിരാജ്, പ്രാചി തെഹ്ലാന് (മികച്ച പുതുമുഖ നടി), ലാല് (സഹനടന്) നരേന് (സഹനടന്) വിനോദ് കോവൂര്, വേണു കുന്നപ്പള്ളി (നിര്മ്മാതാവ്), ഹരീന്ദ്രന് (കഥാകൃത്ത്), യുവ കൃഷ്ണ (മികച്ചസീരിയല് നടന്) മൃദുല (മികച്ച സീരിയല് നടി), സ്മിനു സിജോ (സഹനടി), മാസ്റ്റര് അച്യുതന് (മാമാങ്കം), ബേബി മാനസി (മൈ സാന്റോ), ഫായീസ് (വയലിന്) തുടങ്ങി കലാകായിക സാമൂഹ്യരംഗത്തെ പുതുതലമുറയിലെയും പഴയതലമുറയിലെയും മുപ്പതോളം പേര് അവാര്ഡ് സ്വീകരിച്ചു.
മിമിക്രി കലാകാരനും സംവിധായകനുമായ കെ. എസ്. പ്രസാദ് ചെയര്മാനായുള്ള ജൂറിയാണ് അവാര്ഡ് ജേതാക്കളെ തെരഞ്ഞെടുത്തത്. ഇസ്മായില് കൊട്ടാരപ്പാട്ട്, കലാഭവന് മണി സേവന സമിതി ചെയര്മാന് അജില് മണിമുത്ത് എന്നിവര് അംഗങ്ങളായിരുന്നു.
തിരുവനന്തപുരം ആറ്റിങ്ങല് കേന്ദ്രമായി പ്രവര്ത്തിക്കുന്ന ചാരിറ്റബിള് സൊസൈറ്റിയാണ് കലാഭവന് മണി സേവന സമിതി. സമൂഹവിവാഹം, അന്നദാനം, ആംബുലന്സ് സര്വീസ്, വൃദ്ധസദനം തുടങ്ങിയ ജീവകാരുണ്യ പ്രവര്ത്തനങ്ങള് തുടര്ച്ചയായി ചെയ്തുവരുന്നു.
കലാഭവന് മണി മെമ്മോറിയല് അവാര്ഡ് ദാനചടങ്ങിന്റെ മീഡിയ പാര്ട്ണറാണ് 'സിഎന്എ'.