സി എന്‍ എ-
കൊല്ലം:
വായനക്കാരുടെ എണ്ണം കുറഞ്ഞുവരുന്ന ഈ കാലഘട്ടത്തില്‍ കൊല്ലം ജില്ല കേന്ദ്രീകരിച്ച് 2007 ല്‍ ആരംഭിച്ച ഒരു മാസികയാണ് 'കലാദീപം മാസിക'.
25 വരിക്കാരില്‍ നിന്ന് 25,000 വരിക്കാരെ വരെ നേടിയെടുക്കാന്‍ കലാദീപം മാസികയ്ക്ക് കഴിഞ്ഞിട്ടുണ്ട്.
'കലാദീപം മാസിക' 15 വര്‍ഷങ്ങള്‍ പിന്നിടുമ്പോള്‍ 10 ഓളം സംഘടനകളും അതിന്റെ പ്രവര്‍ത്തനവുമായി ബന്ധപ്പെട്ട് 25 ജീവനക്കാരും 400 മെമ്പര്‍മാരും മാസികയുടെ ഭാഗമായി മാറുന്നു.
2013 ല്‍ കലാദീപത്തിന്റെ പേരില്‍ ആരംഭിച്ച അവാര്‍ഡാണ് 'കലാദീപം അവാര്‍ഡ്'.
കേരളത്തിലെ കലാ സാംസ്‌കാരിക സാമൂഹിക മാധ്യമ രംഗത്തെ പ്രമുഖര്‍ കഴിഞ്ഞ 8 വര്‍ങ്ങളിലായി കലാദീപത്തിന്റെ അവാര്‍ഡ് സ്വീകരിച്ചു കഴിഞ്ഞു.
2021 ലെ 9-ാം മത്തെ 'കലാദീപം അവാര്‍ഡ്' 2021 ഡിസംബറില്‍ നടക്കുന്നു.
സാമൂഹിക പ്രവര്‍ത്തന രംഗത്തും 'കലാദീപം' മികച്ച പ്രവര്‍ത്തനങ്ങളാണ് കാഴ്ചവച്ചിട്ടുള്ളത്.
കൊല്ലം ഡിസ്ട്രക്ട് ഹോസ്പിറ്റല്‍ കേന്ദ്രീകരിച്ച് 'സ്‌നേഹ പാഥേയം' എന്ന പേരില്‍ 100 ആഴ്ചകളില്‍ 200 ഓളം വരുന്ന രോഗികള്‍ക്കും കൂട്ടിരിപ്പുകാര്‍ക്കുമായി ഓരോ ആഴ്ചയും പൊതി ചോറ് നല്‍കി സമൂഹത്തിന് മാതൃകയായി. തുടന്ന് 'സാന്ത്വന സ്പര്‍ശം' എന്ന പേരില്‍ കിടപ്പ് രോഗികള്‍ക്ക് 3 വര്‍ഷത്തോളമായി ഓരോ മാസവും ഭക്ഷണസാധനങ്ങള്‍ എത്തിച്ചു നല്‍കുന്നു.
കലാദീപത്തിന്റെ മറ്റൊരു സംഘടനയാണ് 'കലാദീപം സാംസ്‌കാരിക സമിതി'. എഴുത്തുകാരെ പ്രോത്സാഹിപ്പിക്കുന്നതിനായി തുടങ്ങിയതാണിത്.
2 മാസം കൂടുമ്പോള്‍ കൊല്ലം കേന്ദ്രീകരിച്ച് കവിയരങ്ങും യുവ എഴുത്തുകാരുടെ പ്രോത്സാഹനത്തിനായി 'കാവ്യാത്സവം' എന്ന ചെറു പുസ്തകവും പുറത്തിറക്കുന്നു. കൂടാതെ കേരളത്തിലെ സാഹിത്യകാരന്മാര്‍ക്കായി 'സര്‍ഗ്ഗ കീര്‍ത്തി പുരസ്‌കാരം' എന്ന പേരില്‍ 5 വര്‍ഷമായി ഒരു പുരസ്‌കാരദാന ചടങ്ങും നടത്തിവരുന്നു.
പുസ്തക രംഗത്തെ കലാദീപത്തിന്റെ കൈയ്യൊപ്പായ 'കലാദീപം' പബ്ലിക്കേഷനില്‍ കേരളത്തിന്റെ വിവിധ ഭാഗങ്ങളിലായുള്ള എഴുത്തുകാരുടെ 26 പുസ്തകങ്ങള്‍ പുറത്തിറക്കുകയുണ്ടായി.
കൊല്ലത്തെ ഏറ്റവും മികച്ചതും പ്രവര്‍ത്തന രംഗത്ത് മുന്നില്‍ നില്‍ക്കുന്നതുമായ ഒന്നാണ് 'കലാദീപം ഫിലിം സൊസൈറ്റി'. സ്വന്തമായ വാഹനവും റിക്കോഡിംഗ് സ്റ്റുഡിയോയും ഷൂട്ടിംഗിനാവശ്യമായ എല്ലാ സാധന സാമഗ്രഹികളും അടങ്ങിയതാണ് ഫിലിം സൊസൈറ്റി.
നിരവധി ഷോര്‍ട്ട് ഫിലിമുകളാണ് ഫിലിം സൊസൈറ്റിയിലൂടെ നിര്‍മ്മിക്കപ്പെട്ടിട്ടുള്ളത്. 2 വര്‍ഷമായി കേരളത്തിലെ യുവ കലാകാരന്മാരെ പ്രോത്സാഹിപ്പിക്കുന്നതിനായി 'കലാദീപം ഷോര്‍ട്ട് ഫിലിം അവാര്‍ഡ്' നടത്തി വരുന്നു.
തികച്ചും സത്യസന്ധമായ വിധി നിര്‍ണ്ണയവും അവാര്‍ഡിലേയ്ക്ക് പരിഗണിക്കുന്ന എല്ലാ ഷോര്‍ട്ട് ഫിലിമുകളെയും പ്രോത്സാഹിപ്പിക്കുന്നതും മറ്റ് അവാര്‍ഡുകളില്‍ നിന്ന് കലാദീപത്തെ വ്യത്യസ്ഥമാക്കുന്നു.
ഷോര്‍ട്ട് ഫിലിം അവാര്‍ഡിലേയ്ക്ക് ഓരോ വര്‍ഷവും കൂടുതല്‍ പേര്‍ അറിഞ്ഞ് എത്തുന്നു എന്നുള്ളത് കലാദീപത്തിന്റെ വളര്‍ച്ചയെ ആണ് ചൂണ്ടിക്കാണിക്കുന്നത്.
ഈ വര്‍ഷത്തെ ഷോര്‍ട്ട് ഫിലിം അവാര്‍ഡ് ഡിസംബര്‍ 18 ന് കൊല്ലത്ത് വച്ച് നടക്കുകയാണ്. അവാര്‍ഡിലേയ്ക്ക് ഷോര്‍ട്ട് ഫിലിമുകള്‍ അയക്കേണ്ട അവസാന തീയതി ഡിസംബര്‍ 5 ആണ്.
ഇവയ്‌ക്കൊക്കെ പുറമേ കലാദീപം ഓണ്‍ലൈന്‍ ചാനലും കലാദീപത്തിന്റെ നേതൃത്വത്തിലുള്ള നാടക സമിതിയും ഫാമിലി കൂട്ടായ്മയും കലാദീപത്തിന്റെ മാത്രം പ്രത്യേകതകളാണ്.
നാളിതുവരെയായി കലാദീപം ചെയ്ത പ്രവര്‍ത്തനങ്ങള്‍ പറഞ്ഞറിയിക്കുന്നതിലും അപ്പുറമായി നിലനില്‍ക്കുന്നു. ഓരോ പ്രവര്‍ത്തനങ്ങളും വിജയകരമാക്കി മാറ്റി കലാദീപം ജൈത്രയാത്ര തുടരുകയാണ്.
വാര്‍ത്ത പ്രചരണം- എം.എം. കമ്മത്ത്
Online PR - CinemaNewsAgency.Com
