സി എന്‍ എ-
തിരു:
അഭിനയ പരിശീലന കേന്ദ്രം കൂടിയായ കര്‍ട്ടന്‍ റെയ്‌സര്‍ അവതരിപ്പിക്കുന്ന ചെറുസിനിമയാണ് 'കളിയാശാന്റെ വിരല്‍'.
ഇന്ത്യന്‍ ടാലെന്റ്‌സ് ഫെസ്റ്റിവലില്‍ ഏറ്റവും നല്ല ഹ്രസ്വചിത്രം തുടങ്ങി പല അംഗീകാരങ്ങളും നേടിയ ഈ ചിത്രത്തിന്റെ പ്രമേയവും അവതരണവും വ്യത്യസ്തമാണ്.
45 വയസായ മാനവന്‍ ഒരു ദിവസം ഉണര്‍ന്നെഴുന്നേല്‍ക്കുന്നത് 35 വയസ്സിലുള്ള ഒരു ദിവസത്തിലേയ്ക്കാണ്. അന്ന് നടന്ന കാര്യങ്ങളെല്ലാം വീണ്ടും അയാള്‍ക്ക് ആവര്‍ത്തിച്ചനുഭവിക്കേണ്ടി വരുന്നു. പിന്നെ നടന്ന ജീവിതാനുഭവങ്ങള്‍ക്ക് ബീജാവാഹം നടന്ന ആ ദിവസത്തെ സംഭവങ്ങള്‍ അയാളെ വേട്ടയാടുന്നു.
ഈ ചിത്രം രചിച്ചു സംവിധാനം ചെയ്തത് സതീഷ് പി. കുറുപ്പ് ആണ്. ശബരിഷ്, ഗൗരികൃഷ്ണ, വി. എസ് സുധിര്‍, ഷമീര്‍ നൗഷാദ്, പ്രിന്‍സ് വലന്റീന്‍, അനിതാ ഹരി, സനൂജ വിബിന്‍, അനീഷ് രാജേന്ദ്രന്‍ എന്നിവരാണ് അഭിനേതാക്കള്‍. ഛായാഗ്രഹണം- ബിപിന്‍ ചന്ദ്രബോസ്- എഡിറ്റിംഗ് അതുല്‍ ചന്ദ്രന്‍, സംഗീതം- എസ് ആര്‍ സൂരജ, സംവിധാന സഹായികള്‍- ഹക്കിം ഷാഹുല്‍ ഹമീദ്, അതുല്‍ ചന്ദ്രന്‍, സ്റ്റുഡിയോ- അമല സ്റ്റുഡിയോ, തിരുമല. പി ആര്‍ ഒ- റഹിം പനവൂര്‍. ദി കര്‍ട്ടന്‍ റെയ്‌സര്‍ എന്ന യൂട്യൂബ് ചാനലില്‍ ഈ ചെറു സിനിമ കാണാം.
Online PR - CNA.
