സി എന് എ-
തിരു:
വിവിധ ഫെസ്റ്റിവലുകളില് നിന്ന് പലതരം അവാര്ഡുകള് നേടി 'കളിയാശാന്റെ വിരല്' എന്ന ചെറുചിത്രം ശ്രദ്ധനേടുന്നു.
ആദ്യം ഇന്ത്യന് ടാലെന്റ്സ് ഫെസ്റ്റിവലില് ഡ്രാമ വിഭാഗത്തില് ഏറ്റവും നല്ല ചിത്രമായി. തുടര്ന്ന് ഇന്ത്യന് സൈന് ഫിലിം ഫെസ്റ്റിവലില് ഏറ്റവും നല്ല കഥയ്ക്കുള്ള അവാര്ഡ് നേടി. ശംഖനാദ് ഫെസ്റ്റിവലില് ഏറ്റവും നല്ല സസ്പെന്സ് ത്രില്ലര് ചിത്രമായി. മുംബൈ ഇന്റര്നാഷണല് ഷോര്ട്ട് ഫിലിം ഫെസ്റ്റിവലില് ഏറ്റവും നല്ല നരേറ്റീവ് ചിത്രം. കൂടാതെ വിവിധ ചലച്ചി ത്രമേളകളിലും ഈ ചിത്രം തെരഞ്ഞെടുക്കപ്പെട്ടിട്ടുണ്ട്.
കര്ട്ടന് റെയ്സറിനുവേണ്ടി സതീഷ് പി. കുറുപ്പ് രചിച്ചു സംവിധാനം ചെയ്ത ചിത്രമാണിത്. അഭിനയ പഠനകേന്ദ്രമായ കര്ട്ടന് റെയ്സറിലെ മുപ്പത്തിരണ്ടാം ബാച്ചിലെ വിദ്യാര്ഥികളാണ് ഈ ചിത്രത്തിലെ അഭിനേതാക്കള്. നാല്പ്പത്തഞ്ചു വയസുള്ള മാനവന് ഒരു പ്രഭാതത്തില് ഉറക്കമുണര്ന്നത് അയാളുടെ മുപ്പത്തിയഞ്ചാം വയസിലേക്കാണ്. ജീവിതത്തെ മാറ്റി മറിച്ച മുമ്പു നടന്ന കാര്യങ്ങള് വീണ്ടും അനുഭവിക്കുമ്പോള് അയാള്ക്ക് അവയെ സ്വയം വിമര്ശിക്കുവാന് ഇട വരുത്തുന്നു. ഇതാണ് ചിത്രത്തിന്റെ പ്രമേയം.
ദ കര്ട്ടന് റെയ്സര് എന്ന യൂ ട്യൂബ് ചാനലില് ഈ ചെറുചിത്രം കാണാം. വാര്ത്താ പ്രചാരണം: റഹിം പനവൂര്.