സി എന് എ-
മുംബൈ:
മുന് പ്രധാനമന്ത്രി ഇന്ദിരാ ഗാന്ധിയാകാന് കങ്കണ റണാവത് തയ്യാറെടുക്കുന്നു. എന്നാല് ചിത്രം ഇന്ദിരാ ഗാന്ധിയുടെ ബയോപിക് ആയിരിക്കില്ലെന്നും ബോളിവുഡിലെ പ്രമുഖ താരങ്ങള് ചിത്രത്തില് അണിനിരക്കുമെന്നും കണങ്ക പറഞ്ഞു.
ട്വിറ്ററിലൂടെയാണ് പുതിയ സിനിമയെക്കുറിച്ച് കണങ്ക ഇത് വെളിപ്പെടുത്തിയത്. തിരക്കഥാ രചന അവസാനഘട്ടത്തിലാണ്.
വിശാലമായൊരു പീരിയഡ് സിനിമയാണ് ഒരുക്കുന്നത്. പഴയകാലത്തെ ഇന്ത്യയുടെ സാമൂഹിക രാഷ്ട്രീയ പശ്ചാതലം എന്താണെന്ന് പുതു തലമുറയെ ബോധ്യപ്പെടുത്തുകയാണ് ചിത്രത്തിലൂടെ ലക്ഷ്യമിടുന്നതെന്നും കങ്കണ പറഞ്ഞു. സഞ്ജയ് ഗാന്ധി, രാജീവ് ഗാന്ധി, മൊറാര്ജി ദേശായി, ലാല് ബഹദൂര് ശാത്രി തുടങ്ങിയവരെ ചിത്രത്തില് അവതരിപ്പിക്കപ്പെടുമെന്നും അവര് വ്യക്തമാക്കി.
ഇന്ദിരാഗാന്ധിയെ കുറിച്ച് എഴുതിയ ഒരു പുസ്തകത്തെ ആസ്പദമാക്കിയാണ് ചിത്രം ഒരുക്കുന്നത്. കങ്കണ അഭിനയിച്ച 'റിവോള്വര് റാണി' സംവിധാനം ചെയ്ത സായ് കബീറാണ് സിനിമയുടെ തിരക്കഥ ഒരുക്കുന്നത്. ഇന്ദിരാഗാന്ധിയെ ആസ്പദമാക്കി എടുത്ത ഫോട്ടോ ഇന്സ്റ്റഗ്രാമില് പങ്കുവെച്ചാണ് കങ്കണ പുതിയ സിനിമയുടെ വിശേഷങ്ങള് പങ്കുവെച്ചത്.