സി എന് എ-
തിരു:
ഇനിയെങ്കിലും മികച്ച നടിക്കുള്ള സംസ്ഥാന ചലച്ചിത്ര പുരസ്കാരത്തിന് പി.കെ റോസിയുടെ പേര് നല്കണമെന്ന് കനി കുസൃതി ആവശ്യപ്പെട്ടു.
50ആമത് സംസ്ഥാന ചലച്ചിത്ര പുരസ്കാര ദാന ചടങ്ങില് മികച്ച നടിക്കുള്ള അവാര്ഡ് സ്വീകരിച്ചുകൊണ്ട് സംസാരിക്കുകയായിരുന്നു കനി. അടുത്ത വര്ഷമെങ്കിലും റോസിയുടെ പേരില് പുരസ്കാരം നല്കണമെന്നും കനി കുസൃതി പറഞ്ഞു.
മലയാള സിനിമയിലെ ആദ്യ നായികയാണ് പി.കെ റോസി. മലയാളത്തിലെ ആദ്യചിത്രമായ ജെ.സി ഡാനിയലിന്റെ 'വിഗതകുമാരനായിരുന്നു റോസിയുടെ ആദ്യത്തേതും അവസാനത്തേതുമായ ചിത്രം. ദളിത് വിഭാഗത്തില് നിന്ന് ക്രിസ്തുമതത്തിലേക്ക് പരിവര്ത്തനം ചെയ്ത ദരിദ്രകുടുംബത്തിലെ അംഗമായിരുന്ന റോസി സിനിമയില് സവര്ണകഥാപാത്രത്തെ അവതരിപ്പിച്ചതിന്റെ പേരില് സമൂഹത്തിന്റെ അതിക്രമത്തിന് ഇരയാവുകയും. നാട്ടില് നില്ക്കാനാകാതെ വന്നപ്പോള് പലായനം ചെയ്യുകയുമായിരുന്നു.
തനിക്ക് ലഭിച്ച പുരസ്കാരം പി.കെ റോസിക്ക് സമര്പ്പിക്കുന്നു വെന്ന് കനി കുസൃതി നേരത്തേ തന്നെ പ്രഖ്യപിച്ചിരുന്നു. സജിന് ബാബു സംവിധാനം ചെയ്ത 'ബിരിയാണി' എന്ന ചിത്രത്തിലെ അഭിനയത്തിനാണ് കനി കുസൃതി മികച്ച നടിക്കുളള പുരസ്കാരത്തിന് അര്ഹയായത്.
42ആമത് മോസ്കോ ഫിലിം ഫെസ്റ്റിവല് ബ്രിക്സ് മത്സര വിഭാഗത്തിലും മികച്ച നടിയായി കനി കുസൃതി തിരഞ്ഞെടുക്കപ്പെട്ടിരുന്നു.