പി. ആര്‍. സുമേരന്‍
കൊച്ചി:
യുവ സംവിധായകന്‍ പി. കെ. ബിജു രചനയും സംവിധാനവും നിര്‍വ്വഹിച്ച 'കണ്ണാളന്‍' എന്ന ചാത്രം വിവിധ ഒ.ടി.ടി.കളില്‍ പ്രദര്‍ശനം തുടരുന്നു.
മെയിന്‍സ് ടീം, സൈന, ഫസ്റ്റ്‌ഷോസ്, ഹൈ ഹോപ്‌സ്, തിയേറ്റര്‍ പ്ലേ, ലൈം ലൈറ്റ്, എന്നീ ശ്രദ്ധേയമായ ആറ് ഒ.ടി.ടി. പ്ലാറ്റ്‌ഫോമിലൂടെയാണ് കഴിഞ്ഞ ദിവസം 'കണ്ണാളന്‍' റിലീസ് ചെയ്തത്.
സമൂഹത്തില്‍ ഒറ്റപ്പെട്ട് പോകുന്ന മനുഷ്യരുടെ നിസ്സഹായതയും വെല്ലുവിളികളും ഒരു പത്രപ്രവര്‍ത്തകന്റെ ജീവിതത്തിലൂടെ വെള്ളിത്തിരയിലെത്തിക്കുന്ന ചിത്രമാണ് 'കണ്ണാളന്‍'.
ഹരിനാരായണന്‍ എന്ന പത്രപ്രവര്‍ത്തകന്റെ സംഘര്‍ഷഭരിതമായ ജീവിതമാണ് ചിത്രത്തിന്റെ ഇതിവൃത്തം. വര്‍ത്തമാനകാല യാഥാര്‍ത്ഥ്യങ്ങളോട് പട പൊരുതുന്ന ഒരു പത്രപ്രവര്‍ത്തകന്റെ ജീവിതത്തിലൂടെ ഇന്നത്തെ സോഷ്യല്‍ പൊളിറ്റിക്‌സ് കൂടി ചിത്രം ചര്‍ച്ച ചെയ്യുന്നുണ്ട്.
പച്ചമനുഷ്യരുടെയും ജീവിതയാഥാര്‍ത്ഥ്യങ്ങളുടെയും ഒരു നേര്‍സാക്ഷ്യമാണ് കണ്ണാളന്‍ പ്രേക്ഷകരമായി പങ്കുവെയ്ക്കുന്നത്.
അഭിനേതാക്കള്‍ ശ്രീജിത്ത് രവി, രാജേഷ് ശര്‍മ്മ, അശ്വതി ചിന്നു, മാലതി ടീച്ചര്‍.
ബാനര്‍- 360 ഡിഗ്രി പിക്‌ചേഴ്‌സ്, സംവിധാനം- പി കെ ബിജു, നിര്‍മ്മാണം- പി കെ ബിജു, ദാമോധരന്‍ അപ്പു, ക്യാമറ- ഷാനഫ്‌സാലി, എഡിറ്റര്‍- നിഷാദ് യൂസഫ്, സംഗീതം- അരുണ്‍ പ്രസാദ്, മേക്കപ്പ്- റഹീം കൊടുങ്ങല്ലൂര്‍, പ്രൊഡക്ഷന് കണ്ട്രോളര്- ഷാജിക്ക ഷാജി, ഗാനരചന- കണ്ണന്‍ സിദ്ധാര്‍ത്ഥ്, ആലാപനം- ജോബ് കുര്യന്‍, ആക്ഷന്‍- അഷ്‌റഫ് ഗുരുക്കള്‍, കോസ്റ്റ്യൂം- ഷാജി കൂനമ്മാവ്, അസോസിയേറ്റ് ഡയറക്ടര്‍- മഹേഷ് ചേക്കുട്ടി, ബാക്ക്ഗ്രൗണ്ട് സ്‌ക്കോര്‍- സനല്‍ ദേവ്, ആര്‍ട്ട്- ഉണ്ണി ഉഗ്രപുരം, ക്യാമറ അസോസിയേറ്റ്- രതീഷ് ദാമോധരന്‍ അപ്പു, സ്റ്റില്‍സ്- ഷോബിത്ത് വട്ടുണ്ടില്‍, ലൊക്കേഷന്‍ മാനേജര്‍- ദിലീപ്, ഉദയന്‍, പി.ആര്‍.ഒ.- അയ്മനം സാജന്‍, പി. ആര്‍. സുമേരന്‍(പി ആര്‍ ഒ) എന്നിവരാണ് ചിത്രത്തിന്റെ അണിയറ പ്രവര്‍ത്തകര്‍.
Online PR - CinemaNewsAgency.Com
