CNA
കൊച്ചി:
ഫസ്റ്റ് പേജ് എന്റെര്‍ടെയിന്‍മെന്റിന്റെ ബാനറില്‍ മോനുപഴേടത്ത് നിര്‍മ്മിച്ച്, ശരത് ജി. മോഹന്‍ തിരക്കഥ രചിച്ച് സംവിധാനം ചെയ്യുന്ന 'കര്‍ണന്‍, നെപ്പോളിയന്‍, ഭഗത് സിംഗ്' എന്ന സിനിമയുടെ ചിത്രീകരണം പാലാ, ഈരാറ്റുപേട്ട ഭാഗങ്ങളിലായി പൂര്‍ത്തിയായിരുന്നു.
നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായ ഈ ചിത്രം ജനുവരി ഇരുപത്തിയെട്ടിന് പ്രദര്‍ശനത്തിനെത്തുന്നു.
ഒരു ഗ്രാമത്തിലെ ഏതാനും ചെറുപ്പക്കാര്‍ രൂപം കൊടുത്ത ഒരു ക്ലബ്ബാണ് 'കര്‍ണന്‍, നെപ്പോളിയന്‍, ഭഗത് സിംഗ്'.
ഈ ക്ലബ്ബ് പ്രവര്‍ത്തനവുമായി നീങ്ങുന്ന ഇവരുടെ ജീവിതം ഒരു ഘട്ടത്തില്‍ ഏറെ സംഘര്‍ഷഭരിതമാക്കുന്നതാണ് ഈ ചിത്രത്തിലൂടെ അവതരിപ്പിക്കുന്നത്.
ധീരജ് ഡെന്നി, അല്‍ത്താഫ് (സംവിധായകന്‍), എല്‍ദോ മാത്യു, അനീഷ് ഗോപാല്‍ എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്.
പുതുമുഖം ആദ്യാ പ്രസാദാണ് നായിക.
ജോയ് മാത്യു, സുധീര്‍ കരമന, നന്ദു, സുനില്‍ സുഗതാ, വിജയകുമാര്‍, ഡോ. റോണി, ഇന്ദ്രന്‍സ്, കൊച്ചുപ്രേമന്‍, ബിജുക്കുട്ടന്‍, ബാലാജി, വിഷ്ണു(ഗപ്പി ഫെയിം) ഷൈജു അടിമാലി, ബിനു അടിമാലി, അബു സലിം, ജാഫര്‍ ഇടുക്കി, ശ്രീലഷ്മി, രശ്മി ബോബന്‍, മോളി കണ്ണമാലി, ആര്യാ മണികണ്ഠന്‍, കുളപ്പുളി ലീല, സേതുലഷ്മി, അമ്പിളി നിലമ്പൂര്‍, ദേവകിയമ്മ എന്നിവരും പ്രധാന താരങ്ങളാണ്.
റഫീഖ് അഹമ്മദ്, ഹരി നാരായണന്‍ എന്നിവരുടെ ഗാനങ്ങള്‍ക്ക് രഞ്ജിന്‍ രാജ് ഈണം പകര്‍ന്നിരിക്കുന്നു.
പ്രശാന്ത് കൃഷ്ണ, ഛായാഗ്രഹണവും, റെക്‌സന്‍ ജോസഫ് എഡിറ്റിംഗും നിര്‍വ്വഹിക്കുന്നു.
- വാഴൂര്‍ ജോസ്.
Online PR - CinemaNewsAgency.Com
