സി എന്‍ എ-
ചെന്നൈ:
'സുല്‍ത്താന്‍' എന്ന ചിത്രത്തിന് ശേഷം കാര്‍ത്തി നായകനാകുന്ന പേരിടാത്ത പുതിയ ചിത്രം ഏപ്രിലില്‍ ആരംഭിക്കും.
കാര്‍ത്തിയുടെ 22 ആമത് ചിത്രമാണിത്.
കാര്‍ത്തി ഡബിള്‍ റോളില്‍ എത്തുന്ന ഈ പുതിയ സിനിമ ഒരു കംപ്ലീറ്റ് ആക്ഷന്‍ ചിത്രമായിരിക്കും.
2011 ല്‍ റിലീസായ 'സിരുത്തൈ' എന്ന ചിത്രത്തിലാണ് ഇതിനു മുന്‍പ് കാര്‍ത്തി ഡബിള്‍ റോളില്‍ അഭിനയിച്ചത്.
'ഇരുമ്പ് തിരൈ', 'ഹീറോ' തുടങ്ങിയ ചിത്രങ്ങളുടെ സംവിധായകനായ പി. എസ്. മിത്രന്‍ ആണ് സംവിധായകന്‍. സംഗീതം- ജി വി പ്രകാശ്, ക്യാമറ- ജോര്‍ജ്ജ് വില്ല്യംസ്, കലാസംവിധാനം- കദിര്‍, എഡിറ്റര്‍- റൂബന്‍.
സുല്‍ത്താന്‍ ആണ് ഉടന്‍ റിലീസ് ചെയ്യുന്ന കാര്‍ത്തി ചിത്രം. കൂടാതെ ചിത്രീകരണം പുരോഗമിച്ചുകൊണ്ടിരിക്കുന്ന മണിരത്‌നം സംവിധാനം ചെയ്യുന്ന 'പൊന്നിയിന്‍ സെല്‍വനി'ലും കാര്‍ത്തി അഭിനയിക്കുന്നുണ്ട്.
മാത്രമല്ല സുധ കൊങ്കാരയുടെ പുതിയ ചിത്രത്തിലും കാര്‍ത്തിയാണ് നായകന്‍. സുധയുടെ കഴിഞ്ഞ ചിത്രങ്ങള്‍ പോലെ ഇതും ഒരു യഥാര്‍ത്ഥ സംഭവകഥയെ ആസ്പദമാക്കി ഒരുക്കുന്ന ചിത്രമായിരിക്കും.
