സി എന്‍ എ-
ഹൈദരാബാദ്:
മലയാളികളുടെ പ്രിയങ്കരനായ യുവനടന്‍ ഉണ്ണി മുകുന്ദന്‍ തെലുങ്ക് സൂപ്പര്‍ സ്റ്റാര്‍ രവി തേജയ്‌ക്കൊപ്പം.
രവി തേജ നായകനാവുന്ന 'ഖിലാടി' എന്ന ചിത്രത്തില്‍ മുഖ്യ കഥാപാത്രത്തെ അവതരിപ്പിക്കുകയാണ് ഉണ്ണി മുകുന്ദന്‍.
ഡിംപിള്‍ ഹ്യാട്ടിയാണ് നായിക. രമേശ് വര്‍മ്മ സംവിധാനം ചെയ്യുന്ന ചിത്രം സത്യനാരായണ കൊനേരുവാണ് നിര്‍മ്മിക്കുന്നത്.
'ജനത ഗാരിയേജ്', 'ഭാഗമതി' എന്നി സൂപ്പര്‍ ഹിറ്റ് ചിത്രങ്ങള്‍ക്ക് ശേഷം ഉണ്ണി മുകുന്ദന്‍ അഭിനയിക്കുന്ന മൂന്നാമത്തെ തെലുങ്ക് ചിത്രമാണ് 'ഖിലാടി'. അര്‍ജുന്‍ സര്‍ജ്ജ, മുരളി ശര്‍മ്മ എന്നിവരാണ് മറ്റ് കേന്ദ്ര കഥാപാത്രങ്ങളെ അവതരിപ്പിക്കുന്നത്.
സുജിത് വാസുദേവാണ് ചിത്രത്തിന്റെ ഛായാഗ്രഹണം.
'ഖിലാടി'യുടെ സംഗീതം ദേവി ശ്രീ പ്രസാദാണ്.
ലോക്ക് ഡൗണിന് ശേഷം ഉണ്ണിമുകുന്ദന്റെ രണ്ടാമത്തെ ചിത്രമാണ് 'ഖിലാടി'. ഉണ്ണിമുകുന്ദന്‍ പ്രൊഡക്ഷന്സിന്റെ ആദ്യ ചിത്രമായ 'മേപ്പടിയാന്‍'ന്റെ അവസാനഘട്ട ജോലികള്‍ നടന്നുകൊണ്ടിരിക്കുക്കുകയാണ്.
ഹൈദരാബാദാണ് 'ഖിലാടി'യുടെ ലൊക്കേഷന്‍.
