എം.എം. കമ്മത്ത്.
തൃശ്ശൂര്:
സംസ്ഥാന അവാര്ഡ് നേടിയ 'മാതളനാരങ്ങ'യ്ക്കും കുട്ടികളുടെ അന്താരാഷ്ട്ര ചലച്ചിത്ര മേളയില് അവാര്ഡ് നേടിയ 'ബാലപാഠങ്ങള്'ക്കും ശേഷം അനില് പരയ്ക്കാട് തിരക്കഥയെഴുതി സംവിധാനം ചെയ്യുന്ന ഹ്രസ്വചിത്രമാണ് 'കൂടോത്രം'.
ശാസ്ത്രാവബോധവും മാനവികതയും അന്വേഷണത്വരയും പരിഷ്ക്കരണ ബോധവും വളര്ത്തുക എന്നത് ഇന്ത്യയിലെ ഏതൊരു പൗരന്റെയും കടമയാണെന്ന് വിശദമാക്കുന്ന ഭരണഘടനാ ആര്ട്ടിക്കിളാണ് 51 A(h). ഇത് അടിസ്ഥാനമാക്കി തയ്യാറാക്കിയതാണ് 'കൂടോത്രം എന്ന ലഘുചിത്രം.
ഇതിനകം നിരവധി മേളകളില് ചിത്രം പ്രദര്ശിപ്പിക്കുകയും മികച്ച അഭിപ്രായം നേടുകയും ചെയ്തു.
2021 ലെ തിരുവനന്തപുരം ഫിലിം കള്ച്ചര് ഫിലിം സൊസൈറ്റി നടത്തിയ കുട്ടികളുടെ ചലച്ചിത്രോല്സവത്തില് മികച്ച സംവിധായകനുള്ള അവാര്ഡ്.
2021 ലെ മികച്ച ബാലനടനുള്ള ഭരത് പി.ജെ. ആന്റണി സ്മാരക അവാര്ഡ് എന്നീ അവാര്ഡുകളും ചിത്രത്തിന് ലഭിച്ചു.
'ബാലപാഠങ്ങളി'ലെ അഭിനയത്തിന് കുട്ടികളുടെ അന്താരാഷ്ട്ര ചലച്ചിത്ര മേളയില് മികച്ച നടനുള്ള അവാര്ഡ് നേടിയ ഗോകുലും, 'മാതളനാരങ്ങ'യിലെ അഭിനയത്തിന് മികച്ച ബാലതാരത്തിനുള്ള സംസ്ഥാന അവാര്ഡ് നേടിയ പാര്വ്വതിയും 'കൂടോത്ര'ത്തില് മുഖ്യ കാപാത്രങ്ങളെ അവതരിപ്പിക്കുന്നു. കൂടാതെ ഇന്ദ്രന് മച്ചാട്, ലത ചന്ദ്രമോഹന്, പ്രേംകുമാര് ശങ്കരന്, ജോമോന് എടത്വാ, സുന്ദരന് ചെട്ടിപ്പടി, പ്രശാന്ത് കളമശ്ശേരി എന്നിവരും അഭിനയിക്കുന്നു.
പ്രോംപ്റ്റ് ക്രിയേഷന്സിന്റെ ബാനറില് ജോയല് ജോണ്സണ് നിര്മ്മിച്ച 'കൂടോത്ര'ത്തിന്റെ കഥ, തിരക്കഥ, സംഭാഷണം, സംവിധാനം അനില് പരയ്ക്കാട്, ക്യാമറ- മിത്രന്, എഡിറ്റിങ്ങ്- മില്ജോ ജോണി, സൗണ്ട് ഡിസൈന്- റിച്ചാര്ഡ് അന്തിക്കാട്, പശ്ചാത്തല സംഗീതം- മിഥുന് മലയാളം, ഗായകന്- നവനീത് എസ്. കുമാര്, അസോസിയേറ്റ് ഡയറക്ടര്- പ്രശാന്ത് കളമശ്ശേരി, അസിസ്റ്റന്റ് ഡയറക്ടര്- ആനന്ദ് പത്മനാഭന്, മേക്കപ്പ്- സുന്ദരന് ചെട്ടിപ്പടി, ആര്ട്ട്- ലായി, ജിതിന് എന്നിവരും നിര്വ്വഹിച്ചിരിക്കുന്നു.
'കൂടോത്ര'ത്തിന്റെ ആദ്യ പ്രദര്ശനം 2022 ഏപ്രില് 30 ശനി വൈകിട്ട് 5.30 ന് തൃശ്ശൂര്, കേരള സാഹിത്യ അക്കാദമി ഓഡിറ്റോറിയത്തില്വെച്ച് നടക്കും.
ഇ.ഡി. ഡേവീസിന്റെ അദ്ധ്യക്ഷതയില് ചേരുന്ന യോഗത്തില് വെച്ച് പ്രൊഫ. ഐ. ഷണ്മുഖദാസ് പ്രദര്ശനം ഉദ്ഘാടനം ചെയ്യും. മുഖ്യാതിഥി ടി. സത്യനാരായണനാണ്.
ടി.ജി. അജിത, സി. ചന്ദ്രബാബു, ഇ.ടി. വര്ഗ്ഗീസ് മാസ്റ്റര് എന്നിവര് ആശംസകള് നേരും. തുടര്ന്ന് 6 മണിക്കും 7 നും 'കൂടോത്ര'ത്തിന്റെ പ്രദര്ശനങ്ങള് നടക്കും.
Online PR - CinemaNewsAgency.Com