MM Kamath-
കോഴിക്കോട് :
കുട്ടിയും പക്ഷിക്കുഞ്ഞും തമ്മിലെ സ്നേഹത്തിന്റെ കഥ പറയുന്ന 'കൂട്' (The Cage) ഹ്രസ്വചിത്രത്തിന്റെ ആദ്യ പ്രദര്ശനം കോഴിക്കോട് നടന്നു.
യുനിസെഫ് സെലിബ്രിറ്റി സപ്പോര്ട്ടര് മജീഷ്യന് ഗോപിനാഥ് മുതുകാട് ചീഫ് ഗസ്റ്റായ ചടങ്ങിലായിരുന്നു റിലീസ്.
കോവിഡ് കുട്ടികളെ കൂടുകളിലടച്ച പോലെ വളരാന് ഇടയാക്കിയിട്ടുണ്ടെങ്കിലും അവരുടെ സര്ഗാത്മകതകളെ പുറത്തു കൊണ്ടുവരാനും വളര്ത്തിയെടുക്കാനുമുള്ള അവസരമായി മഹാമാരിക്കാലം പ്രയോജനപ്പെടുത്തണമെന്ന് ഗോപിനാഥ് മുതുകാട് അഭിപ്രായപ്പെട്ടു.
കുട്ടികളുടെ കഴിവുകളെയും ചിന്താധാരകളെയും പ്രകാശിപ്പിക്കാന് കഴിയാത്ത വിധം കുട്ടികള് തളച്ചിടപ്പെടുന്നു.
മാതാപിതാക്കള് മാത്രമല്ല, മതങ്ങളും രാഷ്ട്രീയവും മറ്റു സംവിധാനങ്ങളുമെല്ലാം കുട്ടികളെ സ്വതന്ത്ര വ്യക്തിത്വങ്ങളായി കാണാന് തയാറാവുന്നില്ല. യഥാര്ഥത്തില് നിസ്വാര്ഥതയും സഹാനുഭൂതിയും മുതിര്ന്നവരെക്കാള് കുട്ടികള്ക്കാണുള്ളതെന്ന് അദ്ദേഹം പറഞ്ഞു.
ചിത്രം കുട്ടികളില് നന്മയും സഹജീവികുളാടുള്ള കരുണയും വളര്ത്താന് സഹായിക്കുമെന്ന് അദ്ദേഹം അഭിപ്രായപ്പെട്ടു.
താരക ക്രിയേറ്റീവ് ഗ്രൂപ്പിന്റെ ബാനറില് ഡോ. പി.കെ. സിന്ധു നിര്മിച്ച 'കൂട്' ഡോ. എസ്.കെ. സുരേഷ് കുമാര് സംവിധാനം ചെയ്തത്. നാലര മിനുട്ടു മാത്രമുള്ള സിനിമയുടെ കൂടുതല് ഭാഗവും യഥാര്ഥ സംഭവങ്ങള് തന്നെയാണ്.
കോഴിക്കോട് സില്വര് ഹില്സ് പബ്ലിക് സ്കൂളിലെ യു.കെ.ജി. വിദ്യാര്ഥി വൈഭവ് ആണ് ചിത്രത്തിലെ നായകന്.
പരിക്കേറ്റ് വൈഭവിന്റെ മുറ്റത്തു വീണ ഒരു ബുള്ബുള് പക്ഷിക്കുഞ്ഞും മാതാപിതാക്കളും ചിത്രത്തില് താരങ്ങളായെത്തുന്നു. യഥാര്ഥ സംഭവങ്ങളും ദൃശ്യങ്ങളും കോര്ത്തിണക്കി ലഘുചിത്രത്തിന് തിരക്കഥയും സംഭാഷണവും തയാറാക്കിയത് അസോസിയറ്റ് ഡയറക്ടര് കൂടിയായ എം. കുഞ്ഞാപ്പയാണ്.
പ്രമോദ് ബാബുവാണ് ഛായാഗ്രഹണം. എഡിറ്റിംഗ്: രാഗേഷ് റാം, പശ്ചാത്തല സംഗീതം: സായി ബാലന്, സൗണ്ട് ഡിസൈന്: സലില് ബാലന്, ടൈറ്റില്സ് & പബ്ലിസിറ്റി ഡിസൈന്: എം. കുഞ്ഞാപ്പ.
പ്രശസ്ത ചലച്ചിത്ര സംവിധായകന് ജി. പ്രജേഷ് സെന്, ഗാനരചയിതാവ് നിധീഷ് നടേരി, യുറീക്ക എഡിറ്റര് അസിസ്റ്റന്റ് ഷിനോജ് രാജ്, കോഴിക്കോട് മെഡി. കോളജ് മുന് സൂപ്രണ്ട് കെ.ജി. സജിത് കുമാര്, ഡോ. വി.കെ. ഷമീര് തുടങ്ങിയവര് സംസാരിച്ചു. ബാലതാരം വൈഭവിനും അണിയറ പ്രവര്ത്തകര്ക്കും ഗോപിനാഥ് മുതുകാട്, പ്രജേഷ് സെന്, ബബിത സിജു, ലില്ലി ശിവകുമാര് എന്നിവര് ഉപഹാരങ്ങള് വിതരണം ചെയ്തു.
എം. കുഞ്ഞാപ്പ സ്വാഗതവും ഡോ. എസ്.കെ. സുരേഷ് കുമാര് നന്ദിയും പറഞ്ഞു.
Online PR - CinemaNewsAgency.Com