സി എന്‍ എ-
കൊച്ചി:
'പാവ', 'എന്റെ മെഴുതിരി അത്താഴങ്ങള്‍' എന്നീ ചിത്രങ്ങള്‍ക്ക് ശേഷം വിഷ്ണു ഉണ്ണികൃഷ്ണനെ നായകനാക്കി സൂരജ് ടോം സംവിധാനം ചെയ്യുന്ന ചിത്രമാണ് 'കൃഷ്ണന്‍കുട്ടി പണിതുടങ്ങി'.
പെപ്പര്‍കോണ്‍ സ്റ്റുഡിയോസിന്റെ ബാനറ്റില്‍ നോബിള്‍ ജോസ് നിര്‍മ്മിക്കുന്ന ഹൊറര്‍ പശ്ചാത്തലത്തിലുള്ള ത്രില്ലര്‍ സിനിമയാണ് ഇത്.
പ്രശസ്ത സംഗീത സംവിധായകനായ ആനന്ദ് മധു സുതനാണ് ചിത്രത്തിന്റെ തിരക്കഥ രചിച്ചിരിക്കുന്നത്.
ഹോം നഴ്‌സായ കൃഷ്ണന്‍കുട്ടിയുടെ ജീവിതത്തിലേക്ക് അവിചാരിതമായി കടന്നു വരുന്ന സംഭവങ്ങളാണ് ഈ ചിത്രത്തിനാധാരം.
വിഷ്ണു ഉണ്ണികൃഷ്ണനാണ് ഈ ചിത്രത്തിലെ പ്രധാന കഥാപാത്രമായ ഉണ്ണിക്കണ്ണനെ അവതരിപ്പിക്കുന്നത്.
യുവനിരയിലെ ശ്രദ്ധേയയായ സാനിയാ ഇയ്യപ്പനാണ് നായിക. ബിയാട്രിസ് എന്ന കഥാപാത്രത്തെയാണ് സാനിയ അവതരിപ്പിക്കുന്നത്.
പ്രശസ്ത നിര്‍മ്മാതാവായ സന്തോഷ് ദാമോദര്‍ ഈ ചിത്രത്തില്‍ സുപ്രധാനമായ ഒരു കഥാപാത്രത്തെ അവതരിപ്പിച്ചു കൊണ്ട് അഭിനയരംഗത്തെത്തുന്നു.
പുതിയ തലമുറയിലെ ശ്രദ്ധേയനായ നടന്‍ വിജിലേഷ് മറ്റൊരു പ്രധാന കഥാപാത്രത്തെ അവതരിപ്പിക്കുന്നു.
വാല്‍ക്കണ്ണാടി പരിപാടിയിലൂടെ ഏറെ പ്രശസ്തി നേടിയ ജോയ് ജോണ്‍ ആന്റണി മറ്റൊരു പ്രധാന വേഷം ചെയ്യുന്നു.
അഭിജാ ശിവകല ('ഒഴിവു ദിവസത്തിലെ കളി' ഫെയിം)യും ഏതാനും പുതുമുഖങ്ങളും ഈ ചിത്രത്തില്‍ അഭിനയിക്കുന്നു.
ഹരി നാരായണന്റെ വരികള്‍ക്ക് ആനന്ദ് മധുസുതന്‍ ഈണം പകരുന്നു.
ജിത്തു ദാമോദറാണ് ഛായാഗ്രാഹകന്‍. എഡിറ്റിംഗ്- കിരണ്‍, കലാസംവിധാനം- ബാവ, മേക്കപ്പ്- നജില്‍ അഞ്ചല്‍, കോസ്റ്റ്യും ഡിസൈന്‍- ആരതി, അസ്സോസ്റ്റിയേറ്റ്- രതീഷ്. എസ്, എക്‌സിക്കുട്ടീവ് പ്രൊഡ്യൂസര്- ബാദുഷ, പ്രൊഡക്ഷന് കണ്ട്രോളര്- റിച്ചാര്‍ഡ്, ഇഫാര്‍മീഡിയാ റിലീസ് ഈ ചിത്രം പ്രദര്‍ശനത്തിനെത്തിക്കുന്നു. പി ആര്‍ ഒ- വാഴൂര്‍ ജോസ്.
