CNA
കൊച്ചി:
ഇന്‍ഡി ഫിലിംസിന്റെ ബാനറില്‍ ബെന്നി പീറ്റേഴ്‌സ് നിര്‍മ്മിച്ച് മഹേഷ് പി ശ്രീനിവാസന്‍ കഥയെഴുതി സംവിധാനം ചെയ്യുന്ന ചിത്രീ 'കുടുംബസ്ത്രീയും കുഞ്ഞാടും' ചിത്രീകരണം പൂര്‍ത്തിയായി.
പൂര്‍വ്വവിദ്യാര്‍ത്ഥി സംഗമത്തെ തുടര്‍ന്ന് ഒരു കുടുംബത്തിലുണ്ടാകുന്ന പൊല്ലാപ്പുകളാണ് സിനിമയുടെ കഥാതന്തു.
തീര്‍ത്തും കോമഡി ജോണറിലാണ് ചിത്രത്തിലെ മുഹൂര്‍ത്തങ്ങള്‍ ഒരുക്കിയിട്ടുള്ളത്.
ധ്യാന്‍ ശ്രീനിവാസന്‍, അന്നാ രേഷ്മ രാജന്‍ എന്നിവര്‍ കേന്ദ്രകഥാപാത്രങ്ങളാകുന്നു. ഒപ്പം ബെന്നി പീറ്റേഴ്‌സ്, ജാഫര്‍ ഇടുക്കി, പക്രു, കലാഭവന്‍ ഷാജോണ്‍, സലിംകുമാര്‍, മണിയന്‍പിള്ള രാജു, സാജു നവോദയ, സ്‌നേഹാ ബാബു, സ്‌നേഹാ ശ്രീകുമാര്‍, മങ്കാമഹേഷ്, കോബ്രാ രാജേഷ്, മജീദ്, ബിന്ദു എല്‍സി, ഷാജി മാവേലിക്കര തുടങ്ങിയവരും അഭിനയിക്കുന്നു.
ഛായാഗ്രഹണം- ലോവല്‍ എസ്, തിരക്കഥ, സംഭാഷണം- ശ്രീകുമാര്‍ അറയ്ക്കല്‍, എഡിറ്റിംഗ്- രാജാകൃഷ്ണന്‍ വിജിത്ത്, ഗാനങ്ങള്‍- സിജില്‍ ശ്രീകുമാര്‍, സംഗീതം- മണികണ്ഠന്‍, ശ്രീജു ശ്രീധര്‍, കോസ്റ്റ്യൂം ഡിസൈന്‍- ഭക്തന്‍ മങ്ങാട്, പ്രൊഡക്ഷന് എക്‌സിക്യൂട്ടീവ്- ഡി മുരളി, പ്രൊഡക്ഷന് കണ്ട്രോളര്- ദീപു എസ് കുമാര്‍, അസ്സോസിയേറ്റ് ഡയറക്ടേഴ്‌സ്- സജിത് ലാല്‍, വില്‍സന്‍ തോമസ്, ക്രീയേറ്റീവ് മാര്‍ക്കറ്റിംഗ്- ഗോവിന്ദ് പ്രഭാകര്‍ (ഫ്രൈഡേ ബേര്‍ഡ്), സ്റ്റില്‍സ്- ഷാലു പേയാട്, പിആര്‍ഒ- വാഴൂര്‍ ജോസ്, അജയ് തുണ്ടത്തില്‍.
Online PR - CinemaNewsAgency.Com
