CNA
കൊച്ചി:
ഐശ്വര്യ ലക്ഷ്മി കേന്ദ്ര കഥാപാത്രത്തെ അവതരിപ്പിച്ച 'കുമാരി' എന്ന സിനിമ കാനഡയിലെ ഗ്ലോബല്‍ ടൂറിസം ചലച്ചിത്ര മേളയിലേക്ക്.
ടൂറിസം പ്രചാരണത്തിനും ഡെസ്റ്റിനേഷന്‍ ബ്രാന്‍ഡിങ്ങിനും പ്രാധാന്യം നല്‍കുന്ന സിനിമകളാണ് മേളയില്‍ മത്സരിക്കുക.
കാനഡ സര്‍ക്കാരിന്റെ സഹകരണത്തോടെ നടത്തുന്ന മേള ഓണ്‍ടാരിയോയിലുള്ള നോര്‍ത്ത് ബേയില്‍ ഏപ്രില്‍ 27, 28, 29 തിയ്യതികളിലാണ് നടക്കുന്നത്.
ഇന്ത്യയില്‍ നിന്ന് ആദ്യമായിട്ടാണ് ഒരു സിനിമ ഈ മേളയില്‍ പങ്കെടുക്കുന്നത്. നിര്‍മല്‍ സഹദേവ് തിരക്കഥയെഴുതി സംവിധാനം ചെയ്ത 'കുമാരി' 2022 ഒക്ടോബറിലാണ് റിലീസായത്.
ഷൈന്‍ ടോം ചാക്കോ, രാഹുല്‍ മാധവ്, സ്ഫടികം ജോര്‍ജ്, ജിജു ജോണ്‍, ശിവജിത്ത് നമ്പ്യാര്‍, പ്രതാപന്‍, സുരഭി ലക്ഷ്മി, സ്വാസിക, ശ്രുതി മേനോന്‍, തന്‍വി റാം എന്നിവരാണ് മറ്റു പ്രമുഖ താരങ്ങള്‍.
ജിജു ജോണ്‍, നിര്‍മല്‍ സഹദേവ്, ശ്രീജിത്ത് സാരംഗ്, ജേക്സ് ബിജോയ് എന്നിവര്‍ ചേര്‍ന്നാണ് 'കുമാരി' നിര്‍മ്മിച്ചത്.
എക്‌സിക്യൂട്ടീവ് പ്രൊഡ്യൂസര്- ഹാരീസ് ദേശം, സംഗീതം- ജേക്സ് ബിജോയ്, പി ആര്‍ ഒ- എ എസ് ദിനേശ്.
Online PR - CinemaNewsAgency.Com
