CNA
കൊച്ചി:
പി കെ സ്റ്റോറീസിന്റെ ബാനറില്‍ അക്ഷയ് അശോക് തിരക്കഥ എഴുതി സംവിധാനം ചെയ്യുന്ന 'കുണ്ടന്നൂരിലെ കുല്‍സിതലഹള' എന്ന സിനിമയുടെ ടൈറ്റില്‍ പോസ്റ്റര്‍ പുറത്തുവിട്ടു. പ്രമുഖ താരങ്ങള്‍ക്കൊപ്പം പുതുമുഖങ്ങള്‍ക്ക് പ്രാധാന്യം നല്‍കി ചിത്രീകരിക്കുന്ന സിനിമ കോഴിക്കോട് അത്തോളി ഭാഗത്ത് ഷൂട്ടിംഗ് പുരോഗമിക്കുന്നു.
ടൈറ്റില്‍ പോസ്റ്റര്‍ പുറത്തുവിട്ട ഉടനെ തന്നെ നിരവധി ട്രോളുകളാണ് ഈ പോസ്റ്ററുമായി ബന്ധപ്പെട്ട് പുറത്തുവന്നത്.
കുണ്ടന്നൂര് എന്ന സാങ്കല്‍പിക ഗ്രാമവും അവിടുത്തെ നാട്ടുകാരുടെ മണ്ടത്തരങ്ങളുമാണ് ഈ സിനിമയുടെ കഥ പശ്ചാത്തലം.
വീണ നായര്‍, ആശ മടത്തില്‍, പ്രദീപ് ബാലന്‍, ദാസേട്ടന്‍ കോഴിക്കോട്, സെല്‍വരാജ്, മേരി, ബേബി, എന്നിവര്‍ക്കൊപ്പം ജയിംസ് ജോര്‍ജ്, സുനീഷ് സാമി, അനു രാദ്, അധിന്‍ ഒള്ളൂര്‍, നിതുര, സുമിത്ര എന്നിവരാണ് ഈ സിനിമയില്‍ കേന്ദ്ര കഥാപാത്രങ്ങളായി എത്തുന്നത്.
ചിത്രത്തിന്റെ ക്യാമറ ചെയ്യുന്നത് റെജിന്‍ സാന്‍ഡോ ആണ്. എഡിറ്റിംഗ്- അശ്വിന്‍ ബി., മ്യൂസിക്- മെല്‍വിന്‍ മിഖായേല്‍, ചീഫ് അസോസിയേറ്റ് ഡയറക്ടര്‍സ്- അധിന്‍ ഒള്ളൂര്‍, സൗരഭ് ശിവ എന്നിവരാണ്.
കലാ സംവിധാനം- നാരായണന്‍, സ്റ്റണ്ട് മാസ്റ്റര്‍- റോബിന്‍ ടോം, ഗാനരചന- അക്ഷയ് അശോക്, ജിബിന്‍ കൃഷ്ണ.
പ്രൊഡക്ഷന് മാനേജര്‍- നിഖില്‍ സി എം, അസിസ്റ്റന്റ് ഡയറക്ടര്‍സ്- അനഘ് എസ് ദിനേശ്, വൈശാഖ് എം വി, ആനന്ദ്, അക്ഷയ് സത്യന്‍, രണദിവേ,
സ്റ്റില്‍സ്- റഹീസ് റോബിന്‍സ് എന്നിവരാണ്.
Online PR - CinemaNewsAgency.Com
