CNA
കൊച്ചി:
മലയാള സിനിമയില് പുതിയൊരു നിര്മ്മാണ സ്ഥാപനം കൂടി കടന്നു വരുന്നു. 'വണ്ഡേ ഫിലിംസ്' ...
ഖത്തര് വ്യവസായിയായ ബിജു വി. മത്തായിയുടെ ഉടമസ്ഥതയിലുള്ള ഈ സംരംഭത്തിന്റെ ബാനര് അനൗണ്സ്മെന്റും, ആദ്യ ചിത്രമായ 'കുപ്പീന്ന് വന്ന ഭൂതത്തിന്റെ നാമകരണ പ്രകാശനവും കൊച്ചി ക്രൗണ് പ്ലാസാ ഹോട്ടലില് വച്ചു നടന്നു.
പ്രൗഢഗംഭീരമായ ചടങ്ങില് പ്രശസ്ത സംവിധായകന് ജോഷി വണ്ഡേ ഫിലിംസ് എന്ന ബാനര് പ്രകാശനം ചെയ്തു. തുടര്ന്ന് 'കുപ്പീന്ന് വന്ന ഭൂതം' എന്ന നാമകരണം മേജര് രവിയും, സാബു ചെറിയാനും ചേര്ന്നു നിര്വ്വഹിച്ചു.
റാഫിയുടെ തിരക്കഥയില് ഹരിദാസാണ് 'കുപ്പിന്ന് വന്ന ഭൂതം' സംവിധാനം ചെയ്യുന്നത്.
ചടങ്ങിനു മുന്നോടിയായി ജോഷി ആദ്യ ഭദ്രദീപം തെളിയിച്ചതോടെയാണ് ചടങ്ങിനു തുടക്കമിട്ടത്. തുടര്ന്ന് മേജര് രവി ടോമിച്ചന് മുളകുപാടം, ജോബി നീണ്ടൂര്, റോബിന് തിരുമല, സന്ധ്യമോഹന്, സാബു ചെറിയാന്, നെല്സണ് ഐപ്പ്, സന്തോഷ് പവിത്രം വിഷ്ണു ഉണ്ണികൃഷ്ണന്, ബിബിന് ജോര്ജ് എന്നിവര് ചേര്ന്ന് ഈ ചടങ്ങ് പൂര്ത്തീകരിച്ചു. നിര്മ്മാതാവ് ബിജു വി. മത്തായി സ്വാഗതം ആശംസിച്ചു.
റോബിന് തിരുമല, സാബു ചെറിയാന്, ടോമിച്ചന് മുളകുപാടം, ഷാഫി, ജിബു ജേക്കബ്, സേതു, ഭീമന് രഘു, രാജാസാഹിബ്, പ്രിയങ്ക, എന്നിവര് ആശംസകള് നേര്ന്നു.
കാള്ട്ടണ് ഫിലിംസ് കരുണാകരന്, ഈരാളി, പൊന്നമ്മ ബാബു, അംബികാ മോഹന് തുടങ്ങി നിരവധി ചലച്ചിത്ര പ്രവര്ത്തകരുടെയും അണിയറ പ്രവര്ത്തകരുടേയും സാന്നിദ്ധ്യത്തിലാണ് ചടങ്ങ് നടന്നത്.
വിഷ്ണു ഉണ്ണികൃഷ്ണനും ബിബിന് ജോര്ജും കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തില് റാഫിയും മലയാളത്തിന്റെ എക്കാലത്തേയും പ്രിയ നായിക ഷീലയും മുഖ്യവേഷങ്ങളിലെത്തുന്നുണ്ട്. ഇവര്ക്കു പുറമേ മലയാളത്തിലെ നിരവധി പ്രമുഖ താരങ്ങളും ഈ ചിത്രത്തില് അണിനിരക്കുന്നു.
സംഗീതം- മണികണ്ഠന് അയ്യപ്പ, ഛായാഗ്രഹണം- രതീഷ് റാം, കലാസംവിധാനം- ജോസഫ് നെല്ലിക്കല്, കോഡയറക്ടര്- ഋഷി ഹരിദാസ്, നിര്മ്മാണ നിര്വ്വഹണം- ഡിക്സന് പൊടുത്താസ്.
പാലക്കാട്, കൊച്ചി, എന്നിവിടങ്ങളിലായി ഈ സിനിമയുടെ ചിത്രീകരണം പൂര്ത്തിയാകും.
- വാഴൂര് ജോസ്.
Online PR - CinemaNewsAgency.Com