എ എസ് ദിനേശ്-
കൊടുങ്ങല്ലൂര്‍:
ആര്‍ ടു എന്റര്‍ടെയ്ന്‍മെന്റിന്റെ ബാനറില്‍ രാധാകൃഷ്ണന്‍ കല്ലായില്‍, റുവിന്‍ വിശ്വം എന്നിവര്‍ ചേര്‍ന്ന് നിര്‍മ്മിക്കുന്ന 'ലൗഫുള്ളി യൂവേര്‍സ് വേദ' നവാഗതനായ പ്രഗേഷ് സുകുമാരന്‍ സംവിധാനം ചെയ്യുന്നു.
'ലൗഫുള്ളി യൂവേര്‍സ് വേദ' എന്ന ചിത്രത്തിന്റെ ടൈറ്റില്‍ പോസ്റ്റര്‍ പ്രശസ്ത താരങ്ങളായ മമ്മൂട്ടി, മഞ്ജു വാര്യര്‍ എന്നിവര്‍ തങ്ങളുടെ ഫേസ്ബുക്ക് പേജിലൂടെ റിലീസ് ചെയ്തു.
കൊടുങ്ങല്ലൂര്‍ ശ്രീ കുറുമ്പ ഭഗവതി ക്ഷേത്രത്തില്‍ വെച്ച് ചിത്രത്തിന്റെ പൂജയും സ്വിച്ചോണ്‍ കര്‍മ്മവും നിര്‍വ്വഹിച്ചു.
തൊണ്ണൂറ് കാലഘട്ടങ്ങളിലെ കാമ്പസ് സൗഹൃദത്തിന്റെയും പ്രണയതിന്റെയും വിദ്യാര്‍ത്ഥി രാഷ്ട്രീയത്തിന്റെയും കഥ പറയുന്ന ഈ ബിഗ് ബജറ്റ് ചിത്രത്തില്‍ രജീഷ വിജയന്‍, വെങ്കിടേഷ്, ഷൈന്‍ ടോം ചാക്കോ, ശ്രീനാഥ് ഭാസി, ഗൗതം വാസുദേവ് മേനോന്‍, അപ്പാനി ശരത്, അനിഘ സുരേന്ദ്രന്‍, ഷാജു ശ്രീധര്‍, ഐ എം വിജയന്‍ എന്നിവരോടൊപ്പം അന്‍പതോളം പുതുമുഖങ്ങളും അഭിനയിക്കുന്നു.
ടോബിന്‍ തോമസ് ഛായാഗ്രഹണം നിര്‍വ്വഹിക്കുന്നു.
കോ പ്രൊഡ്യൂസര്- വിബീഷ് വിജയന്‍, ലൈന്പ്രൊഡൂസര്- ഹാരിസ് ദേശം, പ്രൊഡക്ഷന് കണ്ട്രോളര്- റെനി ദിവാകരന്‍.
ഡിസംബര്‍ 15ന് തൃശ്ശൂരില്‍ ചിത്രീകരണം ആരംഭിക്കുന്ന ഈ ചിത്രം തീയേറ്ററുകളില്‍ റിലീസ് ചെയ്യുമെന്നു നിര്‍മ്മാതാക്കള്‍ അറിയിച്ചു.
വാര്‍ത്ത പ്രചരണം- എ എസ് ദിനേശ്.
Online PR - CinemaNewsAgency.Com
