CNA
കൊച്ചി:
ശ്രീനാഥ് ഭാസി, രജിഷാ വിജയന്, ഗൗതം വാസുദേവ മേനോന്, വെങ്കിടേഷ് എന്നിവരെ പ്രധാന കഥാപാത്രങ്ങളാക്കി നവാഗതനായ പ്രഗേഷ് സുകുമാരന് സംവിധാനം ചെയ്യുന്ന 'ലവ് ഫുള്ളി യുവേഴ്സ് വേദ' എന്ന ചിത്രത്തിലെ ഓഡിയോ സിഡി, സംവിധായകന് സിദ്ദിഖ്, നടന് ശ്രീനിവാസന് എന്നിവര് ചേര്ന്ന് പ്രകാശനം ചെയ്തു.
എറണാകുളം ഐ എം എ ഹാളില് നടന്ന പ്രകാശന ചടങ്ങില് ചലച്ചിത്ര രംഗത്തെ പ്രമുഖര് പങ്കെടുത്തു.
അനിഘ സുരേന്ദ്രന്, രഞ്ജിത് ശേഖര്, ചന്തുനാഥ്, അര്ജുന് അശോക്, ഷാജു ശ്രീധര്, ശരത് അപ്പാനി, നില്ജ കെ ബേബി, ശ്രുതി ജയന് തുടങ്ങിയവരാണ് മറ്റു പ്രശസ്ത താരങ്ങള്.
ആര് ടു എന്റര്ടെയ്ന്മെന്റിന്റെ ബാനറില് രാധാകൃഷണന് കല്ലായില്, റുവിന് വിശ്വം എന്നിവര് ചേര്ന്ന് നിര്മ്മിച്ചിരിക്കുന്ന ഈ ചിത്രത്തിന്റെ ഛായാഗ്രഹണം ടോബിന് തോമസ് നിര്വ്വഹിക്കുന്നു.
ഒരു ക്യാമ്പസ് കാലഘട്ടത്തെ പുന:സൃഷ്ടിച്ച് കലാലയത്തിന്റെ സൗഹൃദങ്ങളുടേയും, പ്രണയത്തിന്റെയും, വിദ്യാര്ത്ഥി രാഷ്ട്രീയത്തിന്റെയും ഗൃഹാതുരമായ അദ്ധ്യായങ്ങളിലൂടെ സഞ്ചരിക്കുന്ന ഈ ചിത്രത്തിന്റെ തിരക്കഥ സംഭാഷണം ബാബു വൈലത്തൂര് എഴുതുന്നു.
റഫീക്ക് അഹമ്മദ്, രതി ശിവരാമന്, ധന്യ സുരേഷ് മേനോന് എന്നിവരുടെ വരികള്ക്ക് രാഹുല് രാജ് സംഗീതം പകരുന്നു.
കോ പ്രൊഡ്യൂസര്- അബ്ദുള് സലീം, പ്രൊജക്ട് ഡിസൈനര്- വിബീഷ് വിജയന്, ലൈന് പ്രൊഡ്യൂസര്- ഹാരിസ് ദേശം, കല- സുഭാഷ് കരുണ്, മേക്കപ്പ്- ആര് ജി വയനാടന്, വസ്ത്രാലങ്കാരം- അരുണ് മനോഹര്, സ്റ്റില്സ്- റിഷാജ് മുഹമ്മദ്, എഡിറ്റര്- സോബിന് സോമന്, പരസ്യകല- യെല്ലോ ടൂത്ത്സ്, കളറിസ്റ്റ്- ലിജു പ്രഭാകരന്, ചീഫ് അസോസിയേറ്റ് ഡയറക്ടര്- നിതിന് സി സി, പ്രൊഡക്ഷന് കണ്ട്രോളര്- റിന്നി ദിവാകരന്.
വിദ്യാര്ത്ഥി രാഷ്ട്രീയത്തിന്റെ പ്രതിബദ്ധതയും കാഴ്ചപ്പാടും ചര്ച്ച ചെയ്യുന്ന 'വേദ' ഫെബ്രുവരിയില് പ്രദര്ശനത്തിനെത്തുന്നു.
പി ആര് ഒ- എ എസ് ദിനേശ്.
Online PR - CinemaNewsAgency.Com