Editor: MM Kamath
കൊച്ചി:
സംവിധായകന്‍ ദേവരാജിന്റെ ഷൂട്ടിംഗ് ലൊക്കേഷനിലാണ് പ്രശസ്ത ചിത്രകാരന്‍ മാധവ് ദേവ് മല്ലികയെന്ന പെണ്‍കുട്ടിയെ കാണാനിടയായത്. അവിടെ അവള്‍ ജൂനിയര്‍ ആര്‍ട്ടിസ്റ്റാണ്.
ആ പെണ്‍കുട്ടി മാധവ് ദേവിന്റെ മനസ്സില്‍ മായാതെ നിന്നു. ദേവരാജിന്റെ സഹായത്തോടെ അവളെ തന്റെ പുതിയ ചിത്രരചനയുടെ മോഡലായി തീരുമാനിച്ചു.
അവളെ അയാള്‍ കാന്‍വാസില്‍ പകര്‍ത്തി. പിന്നീടവര്‍ അയാളുടെ ഹൃദയത്തില്‍ സ്ഥിരപ്രതിഷ്ഠ നേടി. സ്വന്തം ജീവിതത്തിലേക്ക് അവളെ കൂട്ടിക്കൊണ്ടുവരുവാന്‍ അയാള്‍ ആഗ്രഹിച്ചു. സഹോദരിയുടെ സമ്മതത്തോടെ മാധവ് ദേവിന്റെയും മല്ലികയുടെയും വിവാഹം നടന്നു.
അവരുടെ ഈ ജീവിതത്തിനിടയില്‍ ഒരിക്കല്‍ ഒരു അത്യാഹിതം സംഭരിച്ചു. സ്‌നേഹത്തിന്റെയും പരിലാളനയുടെയും നാടകീയ മുഹൂര്‍ത്തങ്ങള്‍ അവിടെ കണ്ടു.
മാധവീയം എന്ന ചിത്രം ഇക്കഥയാണ് പറയുന്നത്.
തേജസ് പെരുമണ്ണയാണ് സംവിധായകന്‍. സുധിയും തേജസ് പെരുമണ്ണയും ചേര്‍ന്നാണ് കഥ തിരക്കഥ സംഭാഷണം എഴുതിയിരിക്കുന്നത്. കേന്ദ്ര കഥാപാത്രമായ മാധവ് ദേവിനെ വിനീതാണ് അവതരിപ്പിക്കുന്നത്. നായികയായി പ്രണയയും സഹോദരിയായി ഗീതാ വിജയനും അഭിനയിക്കുന്നു.
ബാബു നമ്പൂതിരി, കുട്ട്യേടത്തി വിലാസിനി, അംബികാ മോഹന്‍, സി.വി. ദേവ്, ശ്രീകുമാര്‍ മേനോന്‍, സുരേഷ് ബാബു, ഡോ. കൊച്ചു. എസ്. മണി, വരുണ്‍ തേജസ്, സ്വാതിക എന്നിവര്‍ അഭിനയിക്കുന്നു. നിര്‍മ്മാണം- നന്ദന മുദ്ര ഫിലിംസ്, ഛായാഗ്രഹണം- വി.അരവിന്ദ്, എഡിറ്റിംഗ്- കപില്‍ ഗോപാലകൃഷ്ണന്‍, സംഗീതം, ഗാനരചന- സുധി, വസ്താലങ്കാരം- പ്രസാദ് ആനക്കര, ചമയം- റഷീദ് അഹമ്മദ്, കലാസംവിധാനം- മുരളി ബേപ്പൂര്‍, പശ്ചാത്തല സംഗീതം- റിജോഷ്, സലാം വീരോളി, അസോസിയേറ്റ് ഡയറക്ടര്‍- വാസന്‍, പ്രൊഡക്ഷന് കണ്ട്രോളര്- രാജേഷ് കളമശ്ശേരി.
ആഗസ്റ്റ് 22ന് വേള്‍ഡ് വൈഡ് ആയി ആക്ഷന്‍ പ്രൈം ഒ ടി ടി യില്‍ സിനിമ പ്രേക്ഷകരിലേക്ക് എത്തും.
Online PR - CNA.
