എ.എസ്. ദിനേശ്
കൊച്ചി:
യുവ താരങ്ങളായ നിവിന് പോളി, ആസിഫ് അലി എന്നിവരെ പ്രധാന കഥാപാത്രങ്ങളാക്കി സൂപ്പര് ഹിറ്റ് സംവിധായകന് എബ്രിഡ് ഷൈന് ഒരുക്കിയ 'മഹാവീര്യര്' എന്ന ചിത്രത്തിലെ ലിറിക്കല് വീഡിയോ റിലീസായി.
ബി കെ ഹരിനാരായണന് എഴുതി ഇഷാന് ചാബ്ര സംഗീതം പകര്ന്ന് വിദ്യാധരന് മാസ്റ്റര്, ജീവന് പത്മകുമാര് എന്നിവര് ചേര്ന്ന് ആലപിച്ച 'രാധേ രാധേ...' എന്നാരംഭിക്കുന്ന ഗാനമാണ് റിലീസായത്.
'1983', 'ആക്ഷന് ഹീറോ ബിജു', 'പൂമരം', 'കുങ്ഫു മാസ്റ്റര്' എന്നിവക്ക് ശേഷം എബ്രിഡ് ഷൈന് ഒരുക്കുന്ന 'മഹാവീര്യര്' എന്ന ചിത്രത്തിന്റെ ഫസ്റ്റ് ലുക്ക് പോസ്റ്ററും ടീസറും ഏറെ പ്രേക്ഷക ശ്രദ്ധ നേടിയിരുന്നു. ഇതുവരെ പ്രേക്ഷകര് കാണാത്ത ഒരു രൂപത്തിലും ഭാവത്തിലുമാണ് നിവിന് പോളി, ആസിഫ് അലി എന്നിവരെ ടീസറിലും മറ്റും കാണുവാന് സാധിച്ചത്. പ്രശസ്ത മലയാള സാഹിത്യകാരന് എം മുകുന്ദന് രചിച്ച കഥയെ അടിസ്ഥാനമാക്കി ഒരുക്കിയ ഈ ചിത്രത്തിന് തിരക്കഥ സംവിധായകന് എബ്രിഡ് ഷൈന് തന്നെയാണ് എഴുതിട്ടുള്ളത്.
പോളി ജൂനിയര് പിക്ചേഴ്സിന്റെ ബാനറില് നിവിന് പോളിയും ഇന്ത്യന് മൂവി മേക്കേഴ്സിന്റെ ബാനറില് ഷംനാസും ചേര്ന്ന് നിര്മ്മിച്ച ഈ ചിത്രത്തില് ലാല്, ഷാന്വി ശ്രീവാസ്തവ, സിദ്ദിഖ്, ലാലു അലക്സ്, വിജയ് മേനോന്, കൃഷ്ണ പ്രസാദ്, മേജര് രവി, സുധീര് കരമന, മല്ലിക സുകുമാരന്, സൂരജ് എസ് കുറുപ്പ്, പദ്മരാജന്, കലാഭവന് പ്രജോദ്, സുധീര് പറവൂര്, പ്രമോദ് വെളിയനാട്, ഷൈലജ പി അമ്പു എന്നിവരും അഭിനയിച്ചിട്ടുണ്ട്.
ഫാന്റസിയും കോമഡിയും ടൈം ട്രാവലും കോടതിയും നിയമ വ്യവഹാരങ്ങളും ഇടകലര്ത്തി ഒരുക്കിയ ചിത്രമാണ് 'മഹാവീര്യര്'.
സംസ്ഥാന അവാര്ഡ് ജേതാവായ ചന്ദ്രു സെല്വരാജ് ഛായാഗ്രഹണം നിര്വ്വഹിച്ചിരിക്കുന്ന ഈ ചിത്രത്തിന് ഇഷാന് ചാബ്ര സംഗീതവും പശ്ചാത്തല സംഗീതവും ഒരുക്കുന്നു.
ചിത്ര സംയോജനം- മനോജ്, ശബ്ദ മിശ്രണം- വിഷ്ണു ഗോവിന്ദ്, ശ്രീ ശങ്കര്, കലാ സംവിധാനം- അനീസ് നാടോടി, വസ്ത്രാലങ്കാരം- ചന്ദ്രകാന്ത്, മെല്വി. ജെ, ചമയം- ലിബിന് മോഹനന്, മുഖ്യ സഹ സംവിധാനം- ബേബി പണിക്കര്, പി ആര് ഒ- എ എസ് ദിനേശ്.
Online PR - CinemaNewsAgency.Com