എ എസ് ദിനേശ്-
കൊച്ചി:
പോളി ജൂനിയര് പിക്ചര്സ്, ഇന്ത്യന് മൂവി മേക്കര്സ് എന്നീ ബാനറുകളില് നിവിന് പോളി, പി. എസ് ഷംനാസ് എന്നിവര് ചേര്ന്ന് നിര്മ്മിക്കുന്ന എബ്രിഡ് ഷൈന് സംവിധാനം ചെയ്യുന്ന 'മഹാവീര്യര്' എന്ന കാഴ്ചകളോടെ വിസ്മയ ചിത്രത്തിന്റെ റിലീസ് ചെയ്ത ടീസര് ശ്രദ്ധേയമായി.
റിലീസ് ചെയ്ത് മണിക്കൂറുകള്ക്കകം പത്ത് ലക്ഷത്തിലധികം പേരാണ് ഈ ടീസര് കണ്ടുകഴിഞ്ഞത്.
നിവിന് പോളി, ആസിഫ് അലി, ലാല്, ലാലു അലക്സ്, സിദ്ധിഖ്, ഷാന്വി ശ്രീവാസ്തവ, വിജയ് മേനോന്, മേജര് രവി, മല്ലിക സുകുമാരന്, സുധീര് കരമന, കൃഷ്ണ പ്രസാദ്, പദ്മരാജന് രതീഷ്, സുധീര് പറവൂര്, കലാഭവന് പ്രജോദ്, പ്രമോദ് വെളിയനാട്, ഷൈലജ പി അമ്പു തുടങ്ങിയവര് മുഖ്യ വേഷങ്ങളിലെത്തുന്ന ചിത്രത്തില് മറ്റു പ്രമുഖ താരങ്ങളും അണി നിരക്കുന്നു.
എം. മുകുന്ദന്റെ കഥയ്ക്ക് തിരക്കഥയൊരുക്കി ചലച്ചിത്ര ഭാഷ്യം നല്കിയിരിക്കുന്നത് എബ്രിഡ് ഷൈനാണ്. ടൈം ട്രാവലും ഫാന്റസിയും കോടതിയും നിയമ വ്യവഹാരങ്ങളും മുഖ്യ പ്രമേയമായിരിക്കുന്ന ചിത്രം, നര്മ്മ വൈകാരിക മുഹൂര്ത്തങ്ങള്ക്കും പ്രാധാന്യം നല്കിയിരിക്കുന്നു.
സംസ്ഥാന അവാര്ഡ് ജേതാവായ ചന്ദ്രു സെല്വരാജ് ഛായാഗ്രഹണം നിര്വ്വഹിച്ചിരിക്കുന്ന ചിത്രത്തിന് ഇഷാന് ചാബ്ര സംഗീതവും പശ്ചാത്തല സംഗീതവും ഒരുക്കിയിരിക്കുന്നു.
ചിത്ര സംയോജനം- മനോജ്, ശബ്ദ മിശ്രണം- വിഷ്ണു ഗോവിന്ദ്, ശ്രീ ശങ്കര്, കലാ സംവിധാനം- അനീസ് നാടോടി, വസ്ത്രാലങ്കാരം- ചന്ദ്രകാന്ത്, മെല്വി. ജെ, ചമയം- ലിബിന് മോഹനന്, മുഖ്യ സഹ സംവിധാനം- ബേബി പണിക്കര്, പി ആര് ഒ- എ എസ് ദിനേശ്.
Online PR - CinemaNewsAgency.Com