Editor - MM Kamath
കൊച്ചി:
അജയ് ദേവ്ഗണ് നായകനാകുന്ന 'മൈദാന്' എന്ന ചിത്രം 2022 ജൂണ് 3 ന് റിലീസ് ചെയ്യും.
അജയ് ദേവ്ഗണ് അഭിനയിച്ച മൈദാന് ഇന്ത്യയിലെ മികച്ച പരിശീലകന് സയ്യിദ് അബ്ദുള് റഹിമിനെ അവതരിപ്പിക്കുന്നു. ചിത്രം 2022 ജൂണ് 3 ന് വെള്ളിത്തിരയിലെത്തും.
ഇന്ത്യന് ഫുട്ബോളിന്റെ സുവര്ണ്ണ കാലഘട്ടത്തെ (1952-1962) അടിസ്ഥാനമാക്കിയാണ് ഹിന്ദി ഭാഷയില് ജീവചരിത്ര കായിക ചിത്രമായി മൈദാന് തയ്യാറെടുക്കുന്നത്.
അജയ് ദേവ്ഗണ് തന്നെയാണ് ഈ വാര്ത്ത ട്വീറ്റ് ചെയ്തത്.
'മൈദാന്, ഓരോ ഇന്ത്യക്കാരനെയും പ്രതിധ്വനിപ്പിക്കുന്ന ഒരു കഥ,
എനിക്ക് വളരെ ശക്തമായി തോന്നുന്ന ഒരു സിനിമ.
നിങ്ങളുടെ കലണ്ടറില് തീയതി അടയാളപ്പെടുത്തുക.
2022 ജൂണ് 3 ന് ലോകവ്യാപകമായി റിലീസ് ചെയ്യുന്നു.' എന്നാണ് അജയ് ദേവ്ഗണ് ട്വീറ്റ് ചെയ്തത്.
അവിശ്വസനീയമായ ഒരു യഥാര്ത്ഥ കഥയില് നിന്ന് പ്രചോദനം ഉള്ക്കൊണ്ട്, ഇന്ത്യയില് നിന്ന് ഉയര്ന്നുവന്ന ഏറ്റവും മികച്ച പരിശീലകരിലൊരാളുടെ യാത്രയാണ് 'മൈദാന്' എന്ന ഈ ചിത്രം.
'മൈദാന്' 1952 നും 1962 നും ഇടയിലുള്ള യഥാര്ത്ഥ സംഭവങ്ങളെ അടിസ്ഥാനമാക്കിയുള്ളതാണ്, 'ഇന്ത്യന് ഫുട്ബോളിന്റെ സുവര്ണ്ണകാലം' എന്നും അറിയപ്പെടുന്നു.
അമിത് രവീന്ദ്രനാഥ് ശര്മ്മയാണ് 'മൈദാന്'ന്റെ സംവിധായകന്.
പ്രിയാമണി, രുദ്രനില് ഘോഷ്, ഗജ്രാജ് റാവു, വൈഭവ് ചൗദരി, ആയിഷ വിന്ദരാ, രാഹുല് തിവാരി അധിയരി, ഫിലിപ്പ് ഷൂറര്, ഇന്ദ്രജിത് സിങ്, ഭവ്യ രാജ്, പാലക് സിങ്, നിതാശി ഗോയല്, തുടങ്ങിയ ഒര നീണ്ട താരനിര തന്നെ ചിത്രത്തില് എത്തുന്നുണ്ട്.
സംഭാഷണം- റിതേഷ് ഷാ, തിരക്കഥ- സൈവിന് ക്വാഡ്രാസ്, കഥ- ആകാശ് ചൗള, അരുണവ ജോയ് സെന്ഗുപ്ത, സൈവിന് ക്വാഡ്രാസ്.
നിര്മ്മാണം- സീ സ്റ്റുഡിയോസിന്റേയും ബേവ്യൂ പ്രോജക്ട്സിന്റേയും ബാനറില് ബോണി കപൂര്, അരുണവ ജോയ് സെന്ഗുപ്ത, ആകാശ് ചൗള ചേര്ന്ന് നിര്മ്മിക്കുന്നു.
ഛായാഗ്രഹണം- തുഷാര് കാന്തി റേ, എഡിറ്റിംഗ്- ദേവ് റാവു ജാദവ്, സംഗീതം & സ്കോര്- സിദ്ധാന്ത് മാഗോ, മായങ്ക് മെഹ്റ.
ഗാനങ്ങള്- അമിത് ത്രിവേദി, സീ സ്റ്റുഡിയോസ് ആണ് ചിത്രം വിതരണം ചെയ്യുന്നത്.
ചിത്രം ഹിന്ദിക്ക് പുറമേ തമിഴ്, തെലുഗു, മലയാളം എന്നീ ഭാഷകളിലും ഡബ്ബ് ചെയ്ത് പ്രദര്ശനത്തിന് എത്തിക്കുമെന്നാണ് അറിയാന് കഴിഞ്ഞത്.
Online PR - CinemaNewsAgency.Com