CNA
കൊച്ചി:
2008 ലെ മുംബൈ ഭീകരാക്രമണത്തില് വീരമൃത്യു വരിച്ച മേജര് സന്ദീപ് ഉണ്ണികൃഷ്ണന്റെ ബയോപിക്ക് 'മേജര്' എന്ന ചിത്രത്തിലെ ആദ്യ ഗാനത്തിന്റെ മലയാളം ലിറിക്കള് വീഡിയോ സീ മ്യൂസിക് സൗത്തിന്റെ യൂട്യൂബ് ചാനലിലൂടെ റിലീസ് ചെയ്തു.
മനോഹരമായ മെലഡി ഗാനത്തില് സന്ദീപ് ഉണ്ണികൃഷ്ണന്റെ ജീവിതത്തിലെ പ്രണയകാലമാണ് ആവിഷ്ക്കരിച്ചിരിക്കുന്നത്.
സാം മാത്യു എ.ഡി. എഴുതിയ വരികള്ക്ക് സംഗീതം പകര്ന്നിരിക്കുന്നത് ശ്രീചരണ് പക്കാലയാണ്. ഗാനം ആലപിച്ചിരിക്കുന്നത് യുവഗായകനായ അയ്റാന് ആണ്.
തെലുങ്ക് നടനും സംവിധായകനും തിരക്കഥാകൃത്തുമായ അദിവി ശേഷ് ആണ് മേജര് സന്ദീപ് ഉണ്ണികൃഷ്ണനായി സ്ക്രീനിലെത്തുന്നത്.
'ഗൂഡാചാരി' എന്ന സിനിമയിലൂടെ ശ്രദ്ധേയനായ ശശി കിരണ് ടിക്കയാണ് സിനിമ സംവിധാനം ചെയ്യുന്നത്.
നടന് മഹേഷ് ബാബുവിന്റെ ഉടമസ്ഥതയിലുള്ള ജി. മഹേഷ് ബാബു എന്റര്ടെയ്ന്മെന്റ്സും സോണി പിക്ചേഴ്സ് ഇന്റര്നാഷണല് പ്രൊഡക്ഷന്സും ചേര്ന്നാണ് ചിത്രം നിര്മ്മിക്കുന്നത്. ഹിന്ദിയിക്കും തെലുങ്കിനും പുറമെ മലയാളത്തിലും 'മേജര്' റിലീസ് ചെയ്യുന്നുണ്ട്.
ഓഗസ്റ്റില് ആരംഭിച്ച സിനിമയുടെ ചിത്രീകരണം എട്ട് വമ്പന് സെറ്റുകളിലും 75 വിവിധ ലൊക്കേഷനുകളിലുമായി 120 ദിവസമെടുത്താണ് പൂര്ത്തീകരിച്ചത്.
ശോഭിത ധൂലിപാലിയ, സായി മഞ്ജരേക്കര്, പ്രകാശ് രാജ്, രേവതി എന്നിവരും ചിത്രത്തില് പ്രധാന വേഷത്തിലെത്തുന്നുണ്ട്.
ചിത്രം 2022 ഫെബ്രുവരി 11ന് തീയേറ്ററുകളില് പ്രദര്ശനത്തിനെത്തുമെന്നാണ് അണിയറ പ്രവര്ത്തകര് അറിയിച്ചിരിക്കുന്നത്.
വാര്ത്ത പ്രചരണം എം.എം. കമ്മത്ത്
Online PR - CinemaNewsAgency.Com