CNA
കൊച്ചി:
'മക്കത്തെ ചന്ദ്രിക'യുടെ വന്‍ വിജയത്തിന് ശേഷം അതെ ടീം വീണ്ടും മറ്റൊരു ഗാനത്തിനായി ഒരുമിച്ചപ്പോള്‍ അതിനേക്കാള്‍ മികച്ച മറ്റൊരു മനോഹരഗാനം പിറക്കുകയായിരുന്നു.
'രാവും പകലും നിറഞ്ഞാടുന്ന അത്ഭുതങ്ങളുടെ മക്കത്തെ ചന്ദ്രിക' മലയാളത്തില്‍ അടുത്ത് കേട്ട ഗാനങ്ങളില്‍ അര്‍ത്ഥസമ്പുഷ്ടമായ വരികളാലും ഹൃദ്യമായ സംഗീതത്താലും അതെല്ലാം ഉള്‍കൊണ്ട ആലാപനത്താലും ഏറ്റവും മനോഹരമായ ഈ ഗാനം പുണ്യമാസത്തില്‍ തന്നെ പുറത്തിറങ്ങി.
മലയാളത്തിന്റെ ലേഡി സൂപ്പര്‍ സ്റ്റാര്‍ മഞ്ജു വാര്യരുടെ തന്റെ ഫേസ്ബുക്ക് പേജിലൂടെ 'മാനത്തെ ചന്ദ്രിക 2' റിലീസ് ചെയ്തു.
മലയാളത്തിന്റെ 'കുട്ടന്‍ തമ്പുരാന്‍' മനോജ് കെ ജയന്‍ തന്നെ ഈ ഗാനവും ആലപിക്കുന്നു.
'സര്‍ഗ്ഗം', 'പെരുന്തച്ഛന്‍', 'ചമയം', 'വെങ്കലം', 'അനന്തഭദ്രം', 'പഴശ്ശിരാജ', 'അര്‍ദ്ധനാരി', 'കളിയച്ഛന്‍' തുടങ്ങി മലയാളത്തിലെ എത്രയോ ക്ലാസിക് ചിത്രങ്ങളില്‍ നായകനായും പ്രതിനായകനായും നിറഞ്ഞ് ആറാടിയ ഈ അഭിനയ വിസ്മയത്തിന് അതിനേക്കാള്‍ സുന്ദരമായി പാടാനറിയാമെന്ന് വീണ്ടും നമ്മെ ഓര്‍മ്മിപ്പിക്കുന്ന ഗാനമാണിത്.
മനോജ് കെ ജയന്‍ ആലപിച്ച് ഏറെ ജനശ്രദ്ധ നേടിയ 'മക്കത്തെ ചന്ദ്രിക'യുടെ ഈ തുടര്‍ ഭാഗം 'മക്കത്തെ ചന്ദ്രിക 2' ആദ്യ ഭാഗത്തിലെന്ന പോലെ ഈ ഗാനവും ജനഹൃദയങ്ങള്‍ ഇതിനോടകം ഏറ്റേടുത്തു.
'സംഗീത പ്രേമികളുടെ ഒരു പാട് പോസിറ്റീവ് റിപ്പോര്‍ട്ട് ഈ ഗാനത്തിന് കിട്ടിയതില്‍ അകമഴിഞ്ഞ് സന്തോഷിക്കുന്നു' എന്ന് മനോജ് കെ ജയന്‍ പറഞ്ഞു.
വലിയ വീട്ടില്‍ ക്രീയേഷന്‍സിനു വേണ്ടി വി ഐ പോള്‍ നിര്‍മ്മിച്ച 'മക്കത്തെ ചന്ദ്രിക 2'ന്റെ മനോഹര സംഗീതം ചിട്ടപ്പെട്ടുത്തിയത് ദോഹയില്‍ പ്രവാസിയായ ഒട്ടേറെ ഹിറ്റ് ആല്‍ബങ്ങള്‍ക്ക് സംഗീതം നല്‍കിയിട്ടുള്ള അന്‍ഷാദ് തൃശ്ശൂരാണ്.
മാപ്പിള ആല്‍ബം ഗാനങ്ങളിലൂടെ സുപരിചിതനായ ഫൈസല്‍ പൊന്നാനിയുടെ അര്‍ത്ഥ സമ്പുഷ്ടമായ വരികള്‍ ഈ സംഗീതത്തിനു മികവു കൂട്ടുന്നു.
സംവിധാനം- ഷാനു കാക്കൂര്‍, പി ആര്‍ ഒ- എ എസ് ദിനേശ്.
Online PR - CinemaNewsAgecy.Com
