CNA
കൊച്ചി:
ഷൈജു ചിറയത്ത് സംവിധാനം ചെയ്യുന്ന 'മാഗല്യ കുരുക്ക്' എന്ന വെബ് സീരീസിന്റെ ടൈറ്റില്‍ പോസ്റ്റര്‍ റിലീസ് ചെയ്തു.
ലിറ്റില്‍ ക്രൂ പ്രൊഡക്ഷന്സിന്റെ ബാനറില്‍ ഷൈജു ചിറയത്ത് രചനയും സംവിധാനവും നിര്‍വ്വഹിക്കുന്ന 'മാഗല്യ കുരുക്ക്' വെബ് സീരീസിന്റെ ടൈറ്റില്‍ പോസ്റ്റര്‍ പ്രമുഖ താരങ്ങള്‍ തങ്ങളുടെ സോഷ്യല്‍ മീഡിയ പേജുകളിലൂടെയാണ് റിലീസ് ചെയ്തത്.
പോസ്റ്റര്‍ ഡിസൈനറായും അസോസിയേറ്റ് ഡയറക്ടറായും ശ്രദ്ധേയനായ അധിന്‍ ഒള്ളൂര്‍ നായകവേഷത്തിലെത്തുന്ന വെബ് സീരീസാണിത്.
മുന്‍പ് അസോസിയേറ്റ് ഡയറക്ടര്‍ ആയി പ്രവര്‍ത്തിച്ച സിനിമകളില്‍ ചെറിയ വേഷങ്ങളും ചെയ്തിട്ടുണ്ടെങ്കിലും ഒരു പ്രധാന കഥാപാത്രം ചെയ്യുന്നത് ആദ്യമായിട്ടാണ്. ജോജു ജോര്‍ജ്ജ് നായകനായ 'ഒരു താത്വിക അവലോകനം' എന്ന സിനിമയുടെ പോസ്റ്റര്‍ ഡിസൈനര്‍ കൂടി ആണ് അധിന്‍ ഒള്ളൂര്‍.
സെബി ചക്രംപിള്ളിയും ജിന്‍സണ്‍ ആന്റണിയും ചേര്‍ന്ന് നിര്‍മ്മിക്കുന്ന വെബ് സീരീസില്‍ അഭിനയിച്ചിരിക്കുന്നത് അസോസിയേറ്റ് ഡയറക്ടറും പോസ്റ്റര്‍ ഡിസൈനറും ആയി ശ്രദ്ധ നേടിയ അധിന്‍ ഒള്ളൂര്‍ ആണ്.
ക്യാമറ- കിരണ്‍ മാരനല്ലൂര്‍, സംഗീതം- എസ് ജെ ഗോഡ്‌സണ്‍, പാട്ടിന്റെ എഡിറ്റിംഗ് ചെയ്തിരിക്കുന്നത് മില്‍ജോ ജോണി.
ഷാരൂഖ് ഹനീഫ്, ദീപിക കൃഷ്ണന്‍ തുടങ്ങിയവര്‍ ആണ് മറ്റു വേഷങ്ങള്‍ ചെയ്തിരിക്കുന്നത്. അങ്കമാലിയില്‍ ചിത്രീകരണം പൂര്‍ത്തിയാക്കിയ വെബ് സീരീസ് പുതുവത്സര ദിനത്തില്‍ റിലീസ് ചെയ്യും.
Online PR - CinemaNewsAgency.Com
