Editor- MM Kamath
കൊച്ചി:
മലയാളിയുടെ പ്രിയ നടന്‍ മനോജ് കെ ജയന്‍ ആലപിച്ച 'മക്ക മദീന മുത്തു നബീ' എന്ന മാപ്പിളപ്പാട്ട് ജന ഹൃദയങ്ങളില്‍ ഇപ്പോള്‍ തരംഗം സൃഷ്ടിക്കുന്നു.
വലിയ വീട്ടില്‍ ക്രിയേഷന്‍സിന്റെ ബാനറില്‍ വി ഐ പോള്‍ നിര്‍മ്മിച്ച 'മക്കത്തെ ചന്ദ്രിക' എന്ന ആല്‍ബത്തിന് വേണ്ടി മനോജ് കെ ജയന്‍ പാടിയ മനോഹര ഗാനമാണ് വൈറലായിക്കൊണ്ടിരിക്കുന്നത്.
സര്‍ഗ്ഗത്തിലെ കുട്ടന്‍ തമ്പുരാനായും, അനന്തഭദ്രത്തിലെ ദിഗംഭരനായും, കൂടാതെ ചമയം, വെങ്കലം, പഴശ്ശിരാജ, മധ്യവേനല്‍, വെള്ളരിപ്രാവിന്റെ ചങ്ങാതി, അര്‍ദ്ധനാരീശ്വരി, കളിയച്ഛന്‍, നേരം തുടങ്ങി ഒട്ടനവധി വേഷപ്പകര്‍ച്ചകളിലൂടെ പ്രേക്ഷകരെ അത്ഭുതപ്പെടുത്തിയ മനോജ് കെ.ജയന്‍ നേരത്തെ 'ഹസ്ബീ റബ്ബീ' എന്ന വൈറല്‍ ഗാനം ആലപിച്ച് തന്റെ സര്‍ഗ്ഗപ്രതിഭ തെളിയിച്ചിരുന്നു.
ദോഹയില്‍ പ്രവാസിയായ ഒട്ടേറെ ഹിറ്റ് ആല്‍ബങ്ങള്‍ക്ക് സംഗീതം നല്‍കിയിട്ടുള്ള അന്‍ഷാദ് തൃശ്ശൂരാണ് 'മക്കത്തെ ചന്ദ്രിക' ഒരുക്കി യിട്ടുള്ളത്.
നിരവധി ഹിറ്റ് മാപ്പിളപ്പാട്ടുകളിലൂടെ സുപരിചിതനായ ഫൈസല്‍ പൊന്നാനിയുടേതാണ് വരികള്‍.
മെഗാസ്റ്റാര്‍ മമ്മൂട്ടിയുടെ ഫെയ്‌സ്ബുക്ക് പേജിലൂടെ റിലീസ് ചെയ്ത ആല്‍ബം നടന്‍ സിദ്ധിക്ക്, നടനും സംവിധായകനുമായ രമേഷ് പിഷാരടി തുടങ്ങി നിരവധി പ്രമുഖരാണ് സമൂഹ മാധ്യമങ്ങളിലൂടെ പങ്കുവെച്ചത്.
മോഹന്‍ലാലും മമ്മൂട്ടിയുമടക്കം നിരവധി ആളുകളാണ് 'മക്ക മദീന മുത്തു നബീ' എന്ന പാട്ടു കേട്ടു മനോജ് കെ ജയനെ വിളിച്ചു അഭിനന്ദിച്ചത്. വാര്‍ത്ത പ്രചരണം- എ എസ് ദിനേശ്.
Online PR - CinemaNewsAgency.Com
