Editor- MM Kamath
കൊച്ചി:
നഷ്ടബോധങ്ങള് ഒത്തിരി മനസ്സിലുണ്ടെങ്കിലും ആത്മാഭിമാനത്തോടെ, സ്വകാര്യ അഹങ്കാരത്തോടെ ജീവിക്കുന്ന പലതരത്തിലുള്ള ആളുകള് നമുക്ക് ചുറ്റിലും ഉണ്ട്. അതില് സിനിമയുമായി ബന്ധപ്പെട്ട് നില്ക്കുന്നവരുടെ കണക്കെടുത്താല് പ്രൊഡക്ഷന് മുതല്, പോസ്റ്റര് ഒട്ടിക്കുന്നവര് വരെ ഉണ്ട്.
ഏതു മേഖലയിലായാലും ജോലി ചെയ്യാന് തുടങ്ങുന്നത്, സിനിമയോടുള്ള അടങ്ങാത്ത ആഗ്രഹം കൊണ്ട് തന്നെയാണ്. എന്ത് ജോലിയായാലും ഞാന് ആ സിനിമയുടെ ഭാഗമാണ് എന്ന് സ്വയം ചിന്തിച്ചു പ്രവര്ത്തിക്കുന്നവരാണ് ഇവിടുത്തെ സിനിമാ തൊഴിലാളികള്.
സിനിമയുടെ ഓരോ സ്പന്ദനങ്ങളും അറിയാവുന്ന ഇത്തരം തൊഴിലാളികളില് ഒരാളാണ് രാമന്.
പോസ്റ്റര് ഒട്ടിക്കുന്ന തൊഴില് ചെയ്ത് ജീവിക്കുന്ന രാമനായി നടന് മനുരാജ് എത്തുന്നു.
ഷാഹ് മോന് ബി പറേലില് രചനയും സംവിധാനവും നിര്വ്വഹിക്കുന്ന 'കെങ്കേമം' എന്ന ചിത്രത്തിലാണ് മനുരാജ് രാമന് എന്ന കഥാപാത്രമായി എത്തുന്നത്.
കൊറോണസമയത്തു ദിവസക്കൂലി ഇല്ലാതെ ജീവിതം വഴിമുട്ടിയ ഒരു വലിയ സമൂഹം തന്നെയുണ്ട് ഇവിടെ. അതില് ഏറ്റവും കൂടുതല് ബുദ്ധിമുട്ടിയ ഒരു വിഭാഗമാണ് പോസ്റ്റര് ഒട്ടിക്കുന്നവരും, ഓപ്പറേറ്റേഴ്സും.
തീയേറ്ററില് പോസ്റ്റര് ഒട്ടിച്ചു ജീവിതം കഴിച്ചു പോന്ന രാമന്റെ ജീവിതം കാഠിന്യമേറിയതായിരുന്നു. രാമനായി മനുരാജ് കെങ്കേമത്തില് തിളങ്ങി. ഒരു ജീവിതം മുഴുവന് സിനിമക്കായി ഉഴിഞ്ഞുവച്ച രാമനായി മനുരാജ് ജീവിച്ചു എന്ന് അണിയറക്കാര് അഭിപ്രായപ്പെടുമ്പോള്, മന്രാജിന്റെ പെര്ഫോമന്സ് കാണുവാന് കാത്തിരിക്കുന്നൂ ഒരു കൂട്ടം കലാസ്നേഹികള്.
ഓണ്ഡിമാന്ഡ്സിന്റെ ബാനറില് ഷാഹ്മോന് ബി പറേലില് എഴുതി സംവിധാനം വിര്വ്വഹിച്ച 'കെങ്കേമം' ചിത്രീകരണം അന്തിമഘട്ടത്തിലാണ്.
ക്യാമറ- വിജയ് ഉലഗനാഥ്, ആര്ട്ട്- ജോസഫ് നെല്ലിക്കല്, വസ്ത്രാലങ്കാരം- ഭക്തന് മാങ്ങാട്, സംഗീതം- ദേവേഷ് ആര് നാഥ്, മേക്കപ്പ്- ലിബില് മോഹന്, പി. ആര്. ഒ- അയ്മനം സാജന്, ഷെജിന് അലപ്പുഴ, പ്രൊഡക്ഷന് കണ്ട്രോളര്- ഷറഫ് കരൂപ്പടന, അസ്സോസിയേറ്റ് ഡയറക്ടേഴ്സ്- ഫാസില് പി ഷാഹ്മോന്, ഫൈസല് ഫാസി.
ഭഗത് മാനുവല്, നോബി മാര്ക്കോസ്, ലെവിന് സൈമണ് ജോസഫ്, സലിം കുമാര്, മനുരാജ്, അബു സലിം, സുനില് സുഗത, മോളി കണ്ണമാലി, സാജു നവോദയ, അരിസ്റ്റോ സുരേഷ്, ജെയ്മോന് സേവ്യര്, ബാദുഷ, ഇടവേള ബാബു എന്നിവര് അഭിനയിക്കുന്നു.