CNA
കൊച്ചി:
യുണിവേഴ്‌സല്‍ സിനിമാസിന്റ ബാനറില്‍ ബി. രാകേഷ് നിര്‍മ്മിച്ച്, പ്രജേഷ് സെന്‍ തിരക്കഥ രചിച്ച് സംവിധാനം ചെയ്യുന്ന 'മേരി ആവാസ് സുനോ', എന്ന ചിത്രത്തിന്റെ മൂസിക്ക് ലോഞ്ച് കര്‍മ്മം ഇക്കഴിഞ്ഞ ദിവസം കൊച്ചിയിലെ ഐ.എം.എ. ഹാളില്‍ വച്ചു നടക്കുകയുണ്ടായി.
കൊറോണാ വൈറസ്സിന്റെ പിടിയിലായതു മുതലാണ് മ്യൂസിക്ക് ലോഞ്ച് ഉള്‍പ്പടെയുള്ള സിനിമയുമായി ബന്ധപ്പെട്ട ചടങ്ങുകള്‍ക്ക് പൂട്ടുവീണത്. വീണ്ടും ഉണര്‍ന്നു തുടങ്ങിയതോടെ നടന്ന ആദ്യ ചടങ്ങും ഈ ചിത്രത്തിന്റേതായിരുന്നു.
ഈ ചിത്രത്തിലെ അഭിനേതാക്കളായ ജയസൂര്യ, മഞ്ജു വാര്യര്‍, ശിവദ, ജോണി ആന്റണി തുടങ്ങിയവര്‍, അഭിനേതാക്കളായ പ്രിയങ്ക, അശ്വിന്‍, നിരവധി ചലച്ചിത്ര പ്രവര്‍ത്തകര്‍, അണിയറ പ്രവര്‍ത്തകര്‍ ബന്ധുമിത്രാദികള്‍ തുടങ്ങി നിരവധി പ്പേരുടെ സാന്നിദ്ധ്യത്തിലാണ് ചടങ്ങ് നടന്നത്.
ലളിതമായി നടന്ന ചടങ്ങില്‍ ഈ ചിത്രത്തിലെ ഗാനങ്ങളുടെ വിഷ്വല്‍ പ്രദര്‍ശനം നടത്തി. സന്തോഷ് കേശവ് ഉള്‍പ്പടെയുള്ള ഗായകര്‍ ഇതിലെ ഗാനങ്ങള്‍ ആലപിക്കുകയും ചെയ്തത് ഏറെ ശ്രദ്ധേയമായിരുന്നു.
നിര്‍മ്മാതാക്കളായ സിയാദ് കോക്കര്‍, എവര്‍ഷൈന്‍ മണി, സന്ധീപ് സേനന്‍, എന്നിവര്‍ ആശംസകള്‍ നേര്‍ന്നു.
മഞ്ജു വാര്യര്‍, ജയസൂര്യ, ശിവദാ, പ്രജേഷ് സെന്‍, ജോണി ആന്റെണി എന്നിവര്‍ തങ്ങളുടെ അനുഭവങ്ങള്‍ പങ്കിട്ടു.
നിര്‍മ്മാതാക്കളായ ഔസേപ്പച്ചന്‍, രഞ്ജിത്ത് മണമ്പ്രക്കാട്ട്, സുധീപ് കാരാട്ട്, എന്നിവരൊക്കെ ഈ ചടങ്ങില്‍ പങ്കെടുത്തവരില്‍ പ്രമുഖരാണ്.
മെയ് പതിമൂന്നിന് ഈ ചിത്രം പ്രദര്‍ശനത്തിനെത്തുന്നു.
ഈസ്റ്റ് കോസ്റ്റ് ഓഡിയോസ്സാണ് ഇതിലെ ഗാനങ്ങള്‍ വിപണിയിലെത്തിക്കുന്നത്.
- വാഴൂര്‍ ജോസ്.
Online PR - CinemaNewsAgency.Com
