സി എന് എ-
മുംബൈ:
മക്കള് സെല്വന് വിജയ് സേതുപതി, കത്രീന കൈഫ് കേന്ദ്ര കഥാപാത്രങ്ങളാകുന്ന 'മെറി ക്രിസ്മസ്' എന്ന ചിത്രം ഏപ്രിലില് ചിത്രീകരണം ആരംഭിക്കും.
മൂവി ട്രാക്കര് രമേഷ് ബാലയാണ് ഈ വാര്ത്ത പുറത്തുവിട്ടത്. അന്ധാദുന് സംവിധായകനായ ശ്രീറാം രാഘവനാണ് ചിത്രം സംവിധാനം ചെയ്യുന്നത്.
വിജയ് സേതുപതി നായകനാകുന്ന ആദ്യ ഹിന്ദി ചിത്രമായിരിക്കും 'മെറി ക്രിസ്മസ്'. കൂടാതെ കത്രീന കൈഫും വിജയ് സേതുപതിയും ഒന്നിക്കുന്ന ആദ്യ ചിത്രമെന്ന സവിശേഷതയും ഈ ചിത്രത്തിനുണ്ട്.
ചിത്രം ത്രില്ലര് സ്വഭാവത്തിലുള്ളതായിരിക്കുമെന്ന സൂചനയാണ് രമേഷ് ബാലയുടെ ട്വറ്റിലൂടെ ലഭിക്കുന്നത്.
പൂനെയില് വെച്ചായിരിക്കും ചിത്രീകരണം നടക്കുക. അണിയറ പ്രവര്ത്തകര് കൂടുത്തല് വിവരങ്ങള് പുറത്തു വിട്ടിട്ടില്ല.