എംഎം കമ്മത്ത്
കൊച്ചി:
ബേസില് ജോസഫ് സംവിധാനം ചെയ്യുന്ന 'മിന്നല് മുരളി' എന്ന ടോവനോ തോമസ് ചിത്രം ഓണത്തിന് തിയേറ്ററുകളിലെത്തും.
ചിത്രത്തിന്റെ മോഷന് പോസ്റ്റര് മോഹന്ലാല് ഇന്ന് പുറത്തിറക്കി. മുഖംമൂടിയുമായി ഒരു സൂപ്പര്ഹീറോ കഥാപാത്രത്തിന്റെ രൂപത്തിലാണ് ടോവിനോയെ പോസ്റ്ററില് കാണാനാകുന്നത്.
മലയാളത്തിലെ ആദ്യ സൂപ്പര് ഹീറോ ചിത്രമാണ് 'മിന്നല് മുരളി'. ഓഗസ്റ്റ് 19ന് റിലീസ് ചെയ്യുമെന്നാണ് റിപ്പോര്ട്ട്.
കഥയും തിരക്കഥയും അരുണ് അനിരുദ്ധന്, ജസ്റ്റിന് മാത്യു എന്നിവരാണ് ഒരുക്കിയിരിക്കുന്നത്. മനു ജഗത് കലാ സംവിധാനം നിര്വ്വഹിക്കുന്നു.
'ഗോദ'ക്ക് ശേഷം ടോവിനോ തോമസ് - ബേസില് ജോസഫ് കൂട്ടുകെട്ട് വീണ്ടും ഒന്നിക്കുന്ന ചിത്രമാണിത്.
നീണ്ട പത്ത് മാസത്തെ ഇടവേളക്ക് ശേഷം ചിത്രീകരണം പുനരാരംഭിച്ച 'മിന്നല് മുരളി'ക്കു വേണ്ടി കര്ണാടകയില് വലിയ സെറ്റുകളാണ് നിര്മ്മിച്ചത്.
ചിത്രത്തിന്റെ കര്ണാടകയിലെ ഷെഡ്യൂള് കഴിഞ്ഞ ദിവസം പാക്കപ്പ് ആയിരുന്നു. അടുത്ത ഷെഡ്യൂള് ഉടന് പൊള്ളാച്ചിയില് ചിത്രീകരണം ആരംഭിക്കും. കൂടാതെ വാഗമണ്, പാലക്കാട് എന്നീവിടങ്ങളിലെ ചിത്രീകരണം ബാക്കിയുണ്ട്.
ചിത്രത്തില് ടോവിനോയ്ക്ക് പുറമേ അജു വര്ഗീസ്, ബൈജു, ഹരിശ്രീ അശോകന്, ഫെമിന ജോര്ജ് എന്നിവരാണ് മറ്റ് അഭിനേതാക്കള്.
'ജിഗര്ത്തണ്ട', 'ജോക്കര്' തുടങ്ങിയ ചിത്രങ്ങളിലൂടെ മലയാളിക്കും പരിചിതനായ തമിഴ് താരം ഗുരു സോമസുന്ദരവും ചിത്രത്തിലെ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
ക്യാമറ- സമീര് താഹിര്, സംഗീത- സംവിധാനം ഷാന് റഹ്മാന്ന്. ചിത്രത്തിലെ രണ്ടു സംഘട്ടന രംഗങ്ങള് സംവിധാനം ചെയ്യുന്നത് 'ബാറ്റ്മാന്', 'ബാഹുബലി', 'സുല്ത്താന്' തുടങ്ങിയ ചിത്രങ്ങള്ക്ക് പിന്നില് പ്രവര്ത്തിച്ച വ്ലാഡ് റിംബര്ഗാണ്. വി എഫ് എക്സ് സൂപ്പര്വൈസര് ആന്ഡ്രൂ ഡിക്രൂസാണ്. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ 5 ഭാഷകളില് റിലീസ് ചെയ്യുന്ന പാന്ഇന്ത്യന് ചിത്രമായിരിക്കും ഇത്.
Online PR - CNA.