എ എസ് ദിനേശ്-
കൊച്ചി:
പ്രശസ്ത താരമായ ടൊവിനോ തോമസ്സിനെ പ്രധാന കഥാപാത്രമാക്കി ബേസില്‍ ജോസഫ് സംവിധാനം ചെയ്യുന്ന സൂപ്പര്‍ ഹീറോ ചിത്രമായ
'മിന്നല്‍ മുരളി' ഡിസംബര്‍ 24ന് നെറ്റ്ഫ്‌ളിക്‌സില്‍ മാത്രമായി ലോകമെമ്പാടും പ്രീമിയര്‍ ചെയ്യും.
മിന്നല്‍ മുരളി എന്ന അമാനുഷികനായി ടൊവിനോ തോമസ് അഭിനയിക്കുന്ന ഈ ചിത്രം തമിഴ്, തെലുങ്ക്, കന്നഡ, ഹിന്ദി, ഇംഗ്ലീഷ് ഭാഷകളിലും അവതരിപ്പിക്കുന്നു.
വീക്കെന്‍ഡ് ബ്ലോക്ക്ബസ്‌റ്റേഴ്‌സിന്റെ ബാനറില്‍ സോഫിയ പോള്‍ നിര്‍മ്മിക്കുന്ന 'മിന്നല്‍ മുരളി' എന്ന ചിത്രത്തില്‍ ടൊവിനോ തോമസിനോടൊപ്പം
ഗുരു സോമസുന്ദരം, ഹരിശ്രീ അശോകന്‍, അജു വര്‍ഗീസ് തുടങ്ങിയ പ്രമുഖരും അഭിനയിക്കുന്നു.
അരുണ്‍ എആര്‍, ജസ്റ്റിന്‍ മാത്യൂസ് കഥ തിരക്കഥ സംഭാഷണമെഴുതുന്നു.
മനു മഞ്ജിത്തിന്റെ വരികള്‍ക്ക് ഷാന്‍ റഹ്മാന്‍, സുഷിന്‍ ശ്യാം എന്നിവര്‍ സംഗീതം പകരുന്നു. വാര്‍ത്താ പ്രചരണം- എ എസ് ദിനേശ്, ശബരി.
Online PR - CinemaNewsAgency.Com
