സി എന് എ-
കൊച്ചി:
മിസ് കേരള 2019 അന്സി കബീറും(25) മിസ് കേരള 2019 റണ്ണറപ്പ് ഡോ. അന്ജന ഷാജനും(26) കാറപകടത്തില് മരിച്ചു.
തിങ്കളാഴ്ച പുലര്ച്ചെ ഒരു മണിയോടെയാണ് കാറപകടം ഉണ്ടായത്. ഇവര് സഞ്ചരിച്ചിരുന്ന കാര് എറണാകുളം ബൈപ്പാസ് റോഡില് ഹോളിഡേ ഇന് ഹോട്ടലിനു മുന്നില് വച്ചാണ് അപകടത്തില്പെട്ടത്. ബൈക്കുമായി കൂട്ടിയിടിക്കാതിരിക്കാന് പെട്ടെന്നു വെട്ടിച്ചതാണ് അപകടമുണ്ടാക്കിയതെന്നാണ് കരുതുന്നത്. കാര് പൂര്ണമായും തകര്ന്ന അവസ്ഥയിലാണ്.
അന്സി കബീര് തിരുവനന്തപുരം ആറ്റിങ്ങല് ആലങ്കോട് സ്വദേശിനിയും അന്ജന ഷാജന് തൃശൂര് സ്വദേശിനിയുമാണ്.
സംഭവ സ്ഥലത്തുവച്ചു തന്നെ ഇരുവരും മരിച്ചു.
നാലുപേരാണ് വാഹനത്തിലുണ്ടായിരുന്നത്.
ഒപ്പമുണ്ടായിരുന്ന രണ്ടുപേരില് ഒരാളുടെ അവസ്ഥ ഗുരുതരമാണ്. ഇരുവരും എറണാകുളം മെഡിക്കല് ട്രസ്റ്റ് ചികിത്സയിലാണ്.
.