സി എന് എ
കൊച്ചി:
യുവ നടന് അപ്പാനി ശരത്തിനെ നായകനാക്കി വിനോദ് ഗുരുവായൂര് തിരക്കഥയെഴുതി സംവിധാനം ചെയ്ത 'മിഷന്-സി' എന്ന ചിത്രത്തിന്റെ സെന്സറിംങ് കഴിഞ്ഞു.
എം സ്ക്വയര് സിനിമയുടെ ബാനറില് മുല്ല ഷാജി നിര്മിക്കുന്ന 'മിഷന്സി' എന്ന റിയലിസ്റ്റിക് ക്രൈം ആക്ഷന് ത്രില്ലര് ചിത്രത്തിന് U/A സര്ട്ടിഫിക്കറ്റാണ് ലഭിച്ചിരിക്കുന്നത്.
'ഫാമിലി സീനുകള്ക്ക് ഒപ്പം മിലിട്ടറി ആക്ഷന് കൂടെ ഉള്ളതിനാല് U/A സര്ട്ടിഫിക്കറ്റാണ് ലഭിച്ചത്.
ഇനി റിലീസിനുള്ള ഒരുക്കങ്ങള് ആരംഭിക്കുകയാണ്. കേരളത്തിന് പുറത്തു തിയേറ്റര് റിലീസാണ് ആഗ്രഹിക്കുന്നത്.' സംവിധായകന് വിനോദ് ഗുരുവായൂര് പറഞ്ഞു.
മീനാക്ഷി ദിനേശാണ് നായിക. പ്രശസ്ത സംവിധായകന് ജോഷിയുടെ 'പൊറിഞ്ചു മറിയം ജോസ്' എന്ന ചിത്രത്തില് നൈല ഉഷയുടെ ആലപ്പാട്ട് മറിയത്തിന്റെ കൗമാര കാലം അവതരിപ്പിച്ച മീനാക്ഷി ദിനേശ് ആദ്യമായി നായികയായി അഭിനയിക്കുന്ന ചിത്രമാണ് 'മിഷന്-സി'.
മേജര് രവി, ജയകൃഷ്ണന്, കൈലാഷ്, ഋഷി തുടങ്ങിയ പ്രമുഖരും അഭിനയിക്കുന്നു. സുശാന്ത് ശ്രീനി ഛായാഗ്രഹണം നിര്വ്വഹിക്കുന്നു.
സുനില് ജി ചെറുകടവ് എഴുതിയ വരികള്ക്ക് ഹണി,പാര്ത്ഥസാരഥി എന്നിവര് സംഗീതം പകരുന്നു.വിജയ് യേശുദാസ്, അഖില് മാത്യു എന്നിവരാണ് ഗായകര്. എഡിറ്റര്-റിയാസ് കെ ബദര്, പ്രൊഡക്ഷന് കണ്ട്രോളര്- ബിനു മുരളി, കല- സഹസ് ബാല, മേക്കപ്പ്- മനോജ് അങ്കമാലി, വസ്ത്രാലങ്കാരം- സുനില റഹ്മാന്, സ്റ്റില്സ്- ഷാലു പേയാട്, ആക്ഷന്- കുങ്ഫ്യൂ സജിത്ത്, പ്രൊഡക്ഷന് എക്സിക്യൂട്ടീവ്- അബിന്, വാര്ത്ത പ്രചരണം- എ.എസ്. ദിനേശ്.
Online PR - CNA.