സി എന് എ-
കൊച്ചി:
യുവനടന് അപ്പാനി ശരത്തിനെ നായകനാക്കി വിനോദ് ഗുരുവായൂര് തിരക്കഥയെഴുതി സംവിധാനം ചെയ്യുന്ന 'മിഷന് സി' എന്ന ചിത്രത്തിലെ ദൃശ്യ ഭംഗിയും കാവ്യ ചാരുതയും ഒത്തു ചേരുന്ന 'പരസ്പരം ഇനിയൊന്നും പറയുവാനില്ലെന്ന്...' എന്നാരംഭിക്കുന്ന ഗാനം റിലീസായി.
'മിഷന് സി' യിലെ ട്രെയിലറും ആദ്യ ഗാനവും തരംഗമായതിനു ശേഷം മനോരമ മ്യൂസിക്ക് പ്രേക്ഷകരിലേക്ക് എത്തിച്ചിരിക്കുന്ന രണ്ടാമത്തെ ഗാനമാണിത്. ഇതുവരെ അഭ്രപാളികളില് ഇടം പിടിക്കാത്ത ഇടുക്കിയുടെ നയന മനോഹരമായ ദൃശ്യങ്ങളാണ് സംവിധായകന് വിനോദ് ഗുരുവായൂര് ഈ ഗാനത്തിലൂടെ സമ്മാനിക്കുന്നത്. നിഖില് മാത്യുവിന്റെ ആലാപനത്തില്, ഏതു തരക്കാര്ക്കും ഇഷ്ടമാകുന്ന ഈ ഗാനത്തിന്റെ പിന്നണിയില് രണ്ടു പൊലീസ് ഉദ്യോഗസ്ഥന്മാരാണെന്നഥതാണ് മറ്റൊരു കൗതുകകരമായ വസ്തുത. ഗാനരചന നിര്വ്വഹിച്ചിരിക്കുന്നത് കമ്പംമെട്ട് പൊലീസ് ഇന്സ്പെക്ടര് സുനില് ജി ചെറുകടവും സംഗീതം നല്കിയിരിക്കുന്നത് രാജാക്കാട് പൊലീസ് ഇന്സ്പെക്ടര് ഹണി ഒഘ ഉം ആണ്. ഇവര് ഒരുമിച്ച പല ഗാനങ്ങളും സോഷ്യല് മീഡിയായില് ഇതിനോടകം തന്നെ ഹിറ്റാണെങ്കിലും ഒരു സിനിമയ്ക്ക് വേണ്ടി ഇവര് ഒത്തു ചേരുന്നത് ഇതാദ്യമായാണ്. വിനോദ സഞ്ചാരത്തിന് എത്തുന്ന കൊളേജ് വിദ്യാര്ത്ഥികള് സഞ്ചരിച്ചിരുന്ന ഒരു ബസ്സിനുള്ളില് നടക്കുന്ന കൊലപാതകവും അതേ തുടര്ന്നുണ്ടാകുന്ന സംഘര്ഷഭരിതമായ സംഭവങ്ങളുമാണ് 'മിഷന് സി' എന്ന ചിത്രത്തിലൂടെ വിനോദ് ഗുരുവായൂര് പറയുന്നത്.
കൈലാഷ്, മേജര് രവി, ജയകൃഷ്ണന്, ഋഷി എന്നിവരോടൊപ്പം പൊറിഞ്ചു മറിയം ജോസിലൂടെ ബാലതാരമായി എത്തിയ മീനാക്ഷി ആദ്യമായി നായികയായി എത്തുന്നു.
എം സ്ക്വയറിന്റെ ബാനറില് ബാനറില് മുല്ല ഷാജി നിര്മ്മിക്കുന്ന ചിത്രത്തിന്റെ ഛായാഗ്രഹണം സുശാന്ത് ശ്രീനി നിര്വ്വഹിക്കുന്നു.
എഡിറ്റര്- റിയാസ് കെ, ക്രിയേറ്റീവ് കോണ്ട്രീബ്യൂഷന്- ഷാജി മൂത്തേടന്, പ്രൊഡക്ഷന് കണ്ട്രോളര്- ബിനു മുരളി, കല- സഹസ് ബാല, മേക്കപ്പ്- മനോജ് അങ്കമാലി, വസ്ത്രാലങ്കാരം- സുനില് റഹ്മാന്, സ്റ്റില്സ്- ഷാലു പേയാട്, ആക്ഷന്- കുങ്ഫ്യൂ സജിത്ത്, പ്രൊഡക്ഷന് എക്സിക്യൂട്ടീവ്- അബിന്.
ഒരു റിയലിസ്റ്റിക് ക്രൈം ആക്ഷന് ത്രില്ലര് ചിത്രമായ 'മിഷന് സി' പ്രദര്ശനത്തിന് ഒരുങ്ങുന്നു.
വാര്ത്ത പ്രചരണം- എ എസ് ദിനേശ്.
Online PR - CNA.