സി എന്‍ എ-
തിരു:
ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, കേരള സര്‍ക്കാര്‍ പൊതുജനങ്ങള്‍ക്കായി അവതരിപ്പിക്കുന്ന ഓണ്‍ലൈന്‍ വീഡിയോ മത്സരം മിഴിവ് 2021. സര്‍ക്കാര്‍ വകുപ്പുകളുടെ ജനക്ഷേമകരമായ പ്രവര്‍ത്തനങ്ങള്‍ / പദ്ധതികള്‍ കൂടുതല്‍ ജനങ്ങളിലേക്ക് എത്തിക്കുകയാണ് ലക്ഷ്യം. ഇന്ത്യന്‍ പൗരത്വമുള്ള ഏതൊരാള്‍ക്കും പങ്കെടുക്കാവുന്ന വിധത്തിലാണ് 'മിഴിവ് 2021' ആസൂത്രണം ചെയ്തിട്ടുള്ളത്. 2021 ജനുവരി 6 മുതല്‍ 26 വരെ വീഡിയോകള്‍ അപ്ലോഡ് ചെയ്യാം . ( വിശദാംശങ്ങള്‍ക്കായി terms and conditions വായിക്കുക)
'നിങ്ങള്‍ കണ്ട വികസന കാഴ്ച' എന്നതാണ് വിഷയം. കഴിഞ്ഞ നാലര വര്‍ഷത്തെ പിണറായി വിജയന്‍ സര്‍ക്കാരിന്റെ വികസന ക്ഷേമ പ്രവര്‍ത്തനങ്ങള്‍ വീഡിയോകള്‍ക്ക് ആധാരമാക്കാം. പ്രൊഫഷണല്‍ ക്യാമറ ഉപയോഗിച്ചോ, മൊബൈലിലോ ഷൂട്ട് ചെയ്യാം. ഫിക്ഷന്‍/ ഡോക്യുഫിക്ഷന്‍/ അനിമേഷന്‍(3D/2D), നിശ്ചല ചിത്രങ്ങള്‍, മൂവിയാക്കുക തുടങ്ങി ഏത് മേക്കിങ് രീതിയിലും വീഡിയോ അവതരിപ്പിക്കാം. എന്നാല്‍ സാധാരണക്കാരന് മനസ്സിലാകുന്ന വിധത്തില്‍ ലളിതവും കൗതുകം നിറഞ്ഞതുമാകണം സൃഷ്ടി. വീഡിയോകളുടെ പരമാവധി ദൈര്‍ഘ്യം 90 സെക്കന്റ്‌സ്. ക്രെഡിറ്റ്‌സ്, ലഘുവിവരണം എന്നിവ ചേര്‍ത്ത് എച്ച് ഡി(1920×1080)mp4 ഫോര്‍മാറ്റില്‍ വേണം അപ്ലോഡ് ചെയ്യേണ്ടത്. രജിസ്റ്റര്‍ ചെയ്യുമ്പോള്‍ ലഭിക്കുന്ന ലോഗിന്‍ ഐഡിയും പാസ്‌വേര്‍ഡും ഉപയോഗിച്ച് ഈ മാസം 26 വരെ വീഡിയോ അപ്ലോഡ് ചെയ്യാം.
അപ്ലോഡ് ചെയ്യപ്പെടുന്ന വീഡിയോകള്‍ പ്രമുഖ സിനിമ പരസ്യ സംവിധായകര്‍ വിലയിരുത്തി സമ്മാനങ്ങള്‍ നിശ്ചയിക്കും.
ഒന്നാം സമ്മാനം : ഒരു ലക്ഷം രൂപ
രണ്ടാം സമ്മാനം : 50,000/രൂപ
മൂന്നാം സമ്മാനം : 25,000/രൂപ.
പ്രോത്സാഹന സമ്മാനം : 5000/രൂപ വീതം 5 പേര്‍ക്ക്.
മിഴിവ് മത്സരത്തിന് ലഭ്യമാകുന്ന എന്‍ട്രിയുടെ മുഴുവന്‍ പകര്‍പ്പവകാശവും ഐ &പി ആര്‍ ഡി വകുപ്പില്‍ നിക്ഷിപ്തമായിരിക്കും.
നിങ്ങളുടെ ഭാവനയും കഴിവും പ്രയോജനപ്പെടുത്തി , സമൂഹത്തിനാകെ പ്രയോജനം ലഭിക്കുന്ന കലാപ്രവര്‍ത്തനത്തില്‍ പങ്കാളിയാകാനുള്ള അവസരമാണ് 'മിഴിവ് 2021'.
കൂടുതല്‍ വിവരങ്ങള്‍ക്ക് www.mizhiv.kerala.gov.in എന്ന വെബ്‌സൈറ്റ് സന്ദര്‍ശിക്കൂ.
